Luk 4:17 - সান্তালী বাইবেল

¹⁷ Ado Jesaea nạbiyakʼ puthiko caladea. Ar guṛhạ akan puthiye oṭakʼketʼ khan ona jaegae ńamkeda one ol akan,

Santali Common Language New Testament

¹⁷ Ado Jesaea nạbiakʼ puthiko caladea. Ar guṛhạ akan puthiye oṭakʼketʼ khan ona jaegae ńamkeda one olakan,

Luk 4:17 Referans Kwoze

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

Luk 20:42

Sonot sostorre sereńko reakʼ puthire Dạud ma acʼge coṅ noa kathae menakatʼ, ‘Probhu Isor do ińren Probhui metadea, tin hạbicʼ amren bạiriko amakʼ jaṅga latarre bạń dohoko, unhạbicʼ ińakʼ jojomsa aṛere duṛupʼme.’

Luk 4:16

Inạ tayom Jisu do Nasaretteye hecʼena. Ar nonḍege uni doe haralena. Uni do acʼakʼ niạm leka jirạukʼ mãhãre sunạgogreye boloyena, ar sostor paṛhao lạgitʼe teṅgoyena.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Luk 4:20

Ona tayom uni do puthi guṛhạ ruạṛkate sapʼdapʼicʼe cal ruạṛadeteye duṛupʼena. Ar sunạgogren sanam hoṛkoakʼ nońjor do unire paṛaoena.

Luk 16:29

“Menkhan Abrahame menkeda, ‘Mose ar nạbikoakʼ puthi ma coṅ menakʼge. Onko do onkoakʼ kathako luturakʼ ma.’