Luk 3:8 - সান্তালী বাইবেল

⁸ Ar kại khon cetʼleka monpe ạcurakatʼ onkage ona reakʼ lek leka apeakʼ jionre jo udugpe. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe benao daṛeakoa.

Santali Common Language New Testament

⁸ Ar mon jepe ạcurakatʼ ona reakʼ lek leka jo apeakʼ jionre udugtape. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe tear daṛeakoa.

Luk 3:8 Referans Kwoze

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Romiko lạgitʼ Pạul Apostolakʼ ciṭhi 9:7

Onko doko Abrahamren bõskanre hõ uniren sạriyakʼren hopon doko baṅkana, bickom sonot sostor reakʼ katha leka, “Isạhakren bõskoge amren bõs menteko lekhakʼa.”

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Luk 19:40

Jisu do onkoe metatʼkoa, “Ińiń metapekana, noko thirko tahen khan enḍekhan dhiriko hõko hohoea.”

Johan 8:33

Unre Jihudi mukhiyạko do Jisuko metadea, “Ale do Abrahamren bõs kanale; ar tisge okoeren golam hõ bale hoyakana. Am do cekatem meneda, ale dole sạdhin ocokʼa?”

Johan 8:39

Onate onko Jihudi mukhiyạko do Jisuko metadea, “Abraham doe aleren baba kana.” Jisui metatʼkoa, “Ape do Abrahamren hoponkope hoylen khan Abraham lekagepe kạmikea.

Jeheskel 33:24

“E manwa hopon, Israel disạm reakʼ dhaṅ dhaser akan ṭhạ̃ire okoeko girobasokʼ kan onko doko meneda, ‘Abraham do eken mitʼṭen manwa hoykate hõ disạm reakʼ ạidạriye ńamleda. Menkhan ale dole ḍhergea; onate disạm do khạṭige aleakʼ ạidạri lạgitʼ em ocoakana.’

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Luk 5:21

Noate sostor baḍaeko ar Phạrusiko do mone monete hudisokʼko ehopʼena, “Nui hoṛ doe okoekante, Isore henostawae kana? Isor chaḍa ar okoe kại doe ikạ daṛeakʼa?”

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Luk 13:26

Unrepe mena, ‘ale do am sãotele jom ńũleda, ar aleakʼ kulhi korem cetʼalekan tahẽkana.’

Luk 14:9

Enḍekhan okoeye neota akatʼben uni do hecʼkateye metama, ‘noa jaega do uni aṛakʼae me.’ Unre lajaorem paṛaokʼte tayom utạrakʼ jaegare duṛubokʼ hoyokʼtama.

Luk 19:9

Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.”

Nehemiạ 5:11

Ńitokʼ ape do onkoakʼ jaega jumi, darkha bagwan, jạitun bagwan ar oṛakʼ duạr ruạṛ katakope, ona chaḍa ṭaka, anaj, nãwã darkha rasa ar sunum iạte oka sudpe hatao akatʼ onahõ ruạṛkatakope.”