Luk 3:36 - সান্তালী বাইবেল

³⁶ Sạla do Kenanren hopon, Kenan do Arpaksadren hopon, Arpaksad do Semren hopon, Sem do Noharen hopon, Noha do Lamekren hopon;

Santali Common Language New Testament

³⁶ Sạla do Kenanren hopon, Kenan do Arpaksadren hopon, Arpaksad do Semren hopon, Sem do Noahren hopon, Noah do Lamekren hopon;

Luk 3:36 Referans Kwoze

2 Patras 2:5

Uni do mare dhạrtirenko hõ bae aṛakʼletʼkoa, bickom Isor bin bhokti hoṛkore ḍubạ dakʼe ạguleda; menkhan Noha ar eṭakʼ eae hoṛ doe bańcaoletʼkoa. Ar nui Nohage Isor bhokti reaṅe porcarleda.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Luk 17:27

Ente Noha do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

1 Bõsbudạ 1:17

Shemren hoponko doko hoyokʼ kana Elam, Ạsur, Arpaksad, Lud, Aram, Us, Hul, Gether ar Mesek.

Genesis 9:18

Unre Noharen hopon Shem, Ham ar Japhet do jahaj khonko oḍok hecʼakan tahẽkana. Ar Hamren do Kanan ńutuman mitʼṭen hopone hoyena.

Genesis 9:1

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Genesis 7:23

Isor do otren sanam jiwiyanko dhạrti khone ḍahao marao cabaketʼkoa. Onate manwako, janwarko, leńokʼ ṭunḍạṅko ar coṭren cẽṛẽko do dhạrti khonko marao cabayena. Eken Noha ar uni sãote tinạkʼ do jahajreko tahẽkan onkoge jiwetʼko tahẽyena.

Genesis 7:13

Oka hilokʼ dadakʼe ehopʼketʼ enhilokʼ Noha do, acʼren bạhu, acʼren hopon Shem, Ham ar Japhet ar onkoren bạhuko salakʼ jahajteye boloyena.

Genesis 6:22

Noha do Isorakʼ hukum leka jotowakʼgeye kạmikeda.

Genesis 5:3

Adamakʼ mitʼsae pegel bochor umer tahẽkanre uniren do mitʼṭen koṛa hopone hoyena. Uni hopon do acʼlekageye hoyena. Adam do uniyakʼ ńutum Sethe dohoketʼtaea.

1 Bõsbudạ 1:1

Adamren hopon do Seth, Sethren hopon do Enos,

Luk 3:35

Nahor do Serugren hopon, Serug do Rạgạuren hopon, Rạgạu do Phalegren hopon, Phaleg do Eberren hopon, Eber do Sạlaren hopon;

Luk 3:37

Lamek do Mạthusalaren hopon, Mạthusala do Enokren hopon, Enok do Jaredren hopon, Jared do Mahalalelren hopon, Mahalalel do Kenanren hopon;