Luk 24:50 - সান্তালী বাইবেল

⁵⁰ Jisu do acʼren celako sãote Bethaniạ hạbicʼe calaoena. Ar onḍe uni do acʼakʼ ti tiyạrkate onkoe bhoratʼkoa.

Santali Common Language New Testament

⁵⁰ Jisu do acʼren celako sãote Bethaniạ hạbicʼe calaoena. Ar onḍe uni do acʼakʼ ti tiạrkate onkoe bhoratʼkoa.

Luk 24:50 Referans Kwoze

Aposkạmi 1:12

Unre celako do jạitun buru khon Jerusalemteko ruạṛ hecʼena. Jerusalem nagraha khon noa buru do mitʼ kilomiṭar saṅgińre tahẽkana.

Mathae 21:17

Inạ tayom Jisu do onkoe bạgiyatʼkote nagraha bahre Bethaniạ atoteye calaoena ar onḍegeye tahẽ aṅgayena.

Genesis 49:28

Noko joto do Israelren gelbar gusṭiren kanako. Onkoren apattetʼ do onkoe bhorako jokhecʼ noako kathae menleda. Uni do sanamkoge apan ạpin lek leka bhore ematʼko tahẽkana.

Mark 11:1

Ado Jerusalem sorko seṭeren khan onko do Jạitun buru ṭhenakʼ Bethaphage ar Bethaniạ ato ṭhenko hecʼena. Onḍe seṭerkate Jisu do acʼren barea cela noa menkateye kolkatʼkina,

Mark 10:16

Ona tayom Jisu do onko kạṭicʼ gidrạkoe hoborketʼkoa ar bohokʼre capokateye bhoratʼkoa.

Genesis 48:9

Joseph do acʼ babae roṛ ruạṛadea, “Unkin do ińren hopon kanakin. Isor do noa disạmre unkine emakawạdińa.” Israele menkeda, “Iń ṭhen ạgukinme. Iń do unkin hõń ạsirbad ạkina.”

Genesis 27:4

Ar ona tayom do ińiń kusiyakʼ leka sebel jomakʼ tearme ar ạguạńme, jemon gujukʼ lahare ona jomkateń bhor oṭowam.”

Levitikus 9:22

Ona tayom Aron do hoṛko secʼ ti tiyạrkateye bhoratʼkoa. Uni do kại ńutumte samaṅokʼakʼ, jeredokʼ samaṅokʼakʼ ar sulukren samaṅokʼakʼ reakʼe sạtʼketʼ khan pinḍ khone pheḍena.

Josuạ 22:6

Inạ tayom Josuạ do onkoe bhoratʼkoteye bidạkatʼkoa ar onko do akoakʼ jaegateko ruạṛ calaoena.

Luk 24:51

Are bhorakokan tulucʼge onkoe bạgiyatʼkoa ar sermateye rakapʼ idi ocoyena.

Aposkạmi 1:9

Noa kathae lạiyatʼko khan celako samaṅrege Jisu doe rakapʼ ocoyena ar mitʼṭecʼ rimil reakʼ danaṅteye calaoena.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.