Luk 24:38 - সান্তালী বাইবেল

³⁸ Jisu do onkoe metatʼkoa, “Cedakʼpe torasokʼkana ar monre cedakʼpe digdhạkʼkana?

Santali Common Language New Testament

³⁸ Jisu do onkoe metatʼkoa, “Cedakʼpe toras akana ar monre cedakʼpe digdhạkʼkana?

Luk 24:38 Referans Kwoze

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Mathae 16:8

Jisu onae baḍaeketʼ khan onkoe metatʼkoa, “E nase pạtiạukʼko, piṭhạ bạnukʼtapete cedakʼpe kheńjer meńjerokʼ kana?

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 4:5

Ar tinre ińakʼ aṭetʼreń giticʼ akan tahẽkana unre mitʼṭecʼ kukmũ ńelteń botorena; kukmũte okakoń ńelketʼ ona do ińakʼ monre botore caṛhaoạdińa.

Luk 24:37

Onko do bhutko ńele kana menteko hudisketʼte ạḍiko botorena.

Luk 24:39

Ińakʼ ti ar jaṅga ńelpe. Tunum legayińpe, ińkangeạń, ente bhutakʼ do iń leka jel ar jaṅ do bạnukʼtakoa.”