Luk 23:35 - সান্তালী বাইবেল

³⁵ Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Santali Common Language New Testament

³⁵ Ar hoṛko do teṅgokateko ńeńelkan tahẽkana. Sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae menkhan; acʼ baṛeye bańcaokʼma!”

Luk 23:35 Referans Kwoze

Sereńko 22:17

Ińakʼ jaṅkoń lekha daṛeakʼ kana; onko hoṛ do cahapʼkateko ńeleń kana arko ńel mojayediń kana.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

1 Patras 2:4

Nonkan mitʼṭecʼ jiwetʼ dhiri menakʼa one okaṭakʼ do Isore bachao akawan ar one okaṭakʼ do uniyakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Rak̕joṅ 3:14

Ińren sanam hoṛko lạgitʼ do landawakʼgeń hoyakana; onko do goṭa dinge sereńateko landa-dhutʼạń kana.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Sereńko 71:11

Onko doko meneda, “Isor do uniye bạgi giḍi akadea; uni do laga sabepe, uni bańcaoe lạgitʼ do celege bạnukʼkoa.”

Sereńko 69:26

Am okoeyem sạjại akade onko do unigeko santao akadea; ar okoeyem dal akatʼko onkoakʼ jaljalaoge onkoakʼ galmarao reakʼ bisoe do hoyokʼkana.

Sereńko 35:15

Menkhan tinreń tohotʼena unre onko do kusiteko mitʼena. Ar iń sasetińko do iń ạuriń baḍaerege iń upạrteko mitʼ akana. Onko do jao ghạṛicʼko roṛ dogeń kana.

Sereńko 4:2

E manwa, ar tinạkʼ hạbicʼ iń dope henostayińạ? Ar tinạkʼ din bạṛicʼakʼpe dulạṛa ar tinạkʼ din eṛeakʼpe ńam baṛaea? (Sela)

Luk 23:13

Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

Luk 23:39

Ar okoekin dusi hoṛ kurusrekin aka ocoakan tahẽkan unkin modre mitʼ hoṛ do Jisu siṛogadeteye menkeda, “Amge baṅ Mạsi do? Enḍekhan ma am ar ạliń bańcao bonme.”