Luk 22:44 - সান্তালী বাইবেল

⁴⁴ Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Santali Common Language New Testament

⁴⁴ Ar Jisu do ala jhalareye paṛaoente arhõ jidkateye koekeda. Uniakʼ hoṛmo reakʼ balbal dakʼ do mãyãm leka otre ṭhopʼ ṭhopʼ ńurokʼ ehopʼena.

Luk 22:44 Referans Kwoze

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Luk 22:45

Ado koejoṅ tayom beretʼkate uni do acʼren celako ṭhene hecʼena. Ar mon reakʼ duk ar laṅgate jạpitʼ akatʼe ńelketʼkoteye metatʼkoa, “Cedakʼpe jạpitʼ joṅkana? Ma beretʼpe ar koejoṅpe jemon biḍạure alope paṛaokʼ.”