Luk 22:37 - সান্তালী বাইবেল

³⁷ Sonot sostorre ol akana, ‘uni do kại hoṛko tulucʼe lekha mitʼena.’ Ińiń metapekana, noa katha do ińrege purạukʼa, ente iń reaṅ okako olakan ona do purạu lạgidokʼ kana.”

Santali Common Language New Testament

³⁷ Sonot sostorre olakana, ‘uni do kại hoṛko sãoteye lekhayena.’ Ińiń metapekana, noa katha do ińrege hoe purạukʼa, ente iń reaṅ okako olakan ona do purạu lạgidokʼ kana.”

Luk 22:37 Referans Kwoze

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Luk 23:32

Palṭonko do barea dusi hoṛ hõ gocʼkin lạgitʼ Jisu soṅgeteko idiketʼkinạ.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Johan 17:4

Am do okaṭakʼ kạmim emakawadiń ona sạtkate noa dhạrtireń ṭhonok ocoakatʼmea.

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

Luk 18:31

Jisu do acʼren gelbar celako mitʼ secʼe hohowatʼkoteye metatʼkoa, “Ńelpe, Jerusalemte bon calakʼ kana. Ar Manwa Hopon reaṅ nạbiko okaṭakʼko ol oṭoakatʼ ona do sanamakʼge purạukʼa.

Luk 22:22

Isor okae niṭ dohoakatʼ onkage Manwa Hopon do gujukʼ hoyokʼtaea; menkhan hae uni hoṛ lạgitʼ do, one okoe do uniye soprot ocoye!”

Mark 15:27

Onko do Jisu sãote barea ḍạku hõko kurusketʼkina, mitʼṭen do uniyakʼ leṅga secʼre ar eṭagicʼ do uniyakʼ jojomti secʼre.

Luk 22:36

Jisui metatʼkoa, “Menkhan ńitiń metapekana, jãhãege ṭaka reakʼ thạilạkʼ se khuti menakʼtae khan uni doe iditora joṅma. Ar okoeyakʼ tarwaṛe bạnukʼtae uni do acʼakʼ oyonakʼ ạkhrińkate mitʼṭecʼ tarwaṛeye kirińjoṅ ma.

Luk 22:52

Ado acʼ upạrte hecʼakan maraṅ naekeko, mundilren kạmiyạko ar murubbikoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń ṭhenpe hecʼakana?

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Mark 15:28

Onate sonot sostor reakʼ katha noa katha purạuena: “Uni do beạiniko tulucʼe lekhayena.”