Luk 22:36 - সান্তালী বাইবেল

³⁶ Jisui metatʼkoa, “Menkhan ńitiń metapekana, jãhãege ṭaka reakʼ thạilạkʼ se khuti menakʼtae khan uni doe iditora joṅma. Ar okoeyakʼ tarwaṛe bạnukʼtae uni do acʼakʼ oyonakʼ ạkhrińkate mitʼṭecʼ tarwaṛeye kirińjoṅ ma.

Santali Common Language New Testament

³⁶ Jisui metatʼkoa, “Menkhan ńitiń metapekana, jãhãege ṭaka reakʼ thạilạkʼ se khuti menakʼtae khan uni doe iditora joṅma. Ar okoeakʼ tarwaṛe bạnukʼtae uni do acʼakʼ oyonakʼ ạkhrińkate mitʼṭen tarwaṛeye kirińjoṅ ma.

Luk 22:36 Referans Kwoze

1 Thessalonikikko 3:4

Duk saset do abore hijukʼgea ona katha do ape tulucʼ tahẽkan jokhecʼre bar barteń lạiyatʼpe tahẽkana, arpe baḍaegea, onkage hoyakana.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Mathae 10:10

Horte lạgitʼ jãhã lekan thuli hõ alo, babar goṭecʼ aṅgrop hõ alo, panahi se ṭheṅga hõ alo, ente okoeye kạmikan uni do jojom ar ńũiyakʼ ńam lek kanae.

Luk 22:35

Ona tayom Jisu do acʼren celakoe metatʼkoa, “Ṭaka reakʼ thạilạkʼ, khuti ar panahi chaḍań koletʼpere cetʼ jãhãnakʼtepe ṭonṭa emanlena?” Celakoko menkeda, “Cetʼte hõ baṅa.”

Luk 22:37

Sonot sostorre ol akana, ‘uni do kại hoṛko tulucʼe lekha mitʼena.’ Ińiń metapekana, noa katha do ińrege purạukʼa, ente iń reaṅ okako olakan ona do purạu lạgidokʼ kana.”

Luk 22:38

Unre celakoko menkeda, “E Probhu Isor, ńelme, nonḍe do barea tarwaṛe menakʼa.” Jisui roṛ ruạṛatʼkoa, “Inạge ḍhera.”