Luk 22:20 - সান্তালী বাইবেল

²⁰ Ado jom tayom onkage bạṭi hõ ataṅkateye metatʼkoa, “Ińakʼ mãyãm hotete Isorakʼ oka nãwã bondobos bahalokʼkan, ona bondobos reakʼ cinhạ do noa bạṭi kana. Ińakʼ noa mãyãm do apeko lạgitʼ emogokʼa.

Santali Common Language New Testament

²⁰ Ado jom tayom onkage bạṭi hõ ataṅkateye metatʼkoa, “Ińakʼ mãyãm hotete Isorakʼ oka nawa bondobos bahalokʼkan, ona bondobos reakʼ cinhạ do noa bạṭi kana. Ińakʼ noa mãyãm do apeko lạgitʼ emogokʼa.

Luk 22:20 Referans Kwoze

1 Korinthiko 11:25

Kedokʼ tayom onkage bạṭi hõ ataṅkateye menkeda, “Noa bạṭi do ińakʼ mãyãm hotete Isorakʼ nãwã bondobos kana; tinạkʼ dhaope ńũi nonkaepe, iń disạyiń lạgitʼ.”

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Sakariạ 9:11

E Jerusalem, am lạgitʼ ińakʼ bondobos bạisạu reakʼ mãyãm iạte amren bondi akanko do ona rohoṛ khorloṅ khoniń chaḍaokoa.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Exodus 24:8

Noa katha ańjomkate Mose do hoṛko cetanre mãyãm chiṭiạukateye menkeda, “Noa do ona bondobos reakʼ mãyãm kana, one oka do Probhu Isor ape lạgitʼ noako katha lekageye niṭ dohoakatʼ.”

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Jirimiạ 31:31

Probhu Isore meneda, “Okte hijukʼ kana Israel ar Jihudạren hoṛko lạgitʼ iń do mitʼṭecʼ nãwã bondobosiń bandhaoa.

Ibriko 9:17

ente manwae gocʼlen anecʼ ạidạri dolel do kạmire lagaokʼa. Ar okoe ạidạri dolele dolel oṭoakatʼ uni jiwetʼe tahen hạbicʼ ona ạidạri dolel do kạmire baṅ jojaokʼa.

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Mark 14:24

Unre Jisui metatʼkoa, “Noa do ińakʼ mãyãm kana, one okaṭakʼ do ạḍi hoṛko lạgitʼ emogokʼkan. Manwako lạgitʼ Isorakʼ nãwã bondobos do ińakʼ mãyãm hotetege bahal tahena.