Luk 21:4 - সান্তালী বাইবেল

⁴ ente eṭakʼko do akoakʼ sareṛokʼakʼ dhon khonko dohoakada, menkhan nui maejiu doe reṅgecʼgere hõ bańcao tahen lạgitʼ oka tahẽkantae ona jotogeye emkeda”

Santali Common Language New Testament

⁴ ente eṭakʼko do akoakʼ sareṛokʼakʼ dhon khonko dohoakada, menkhan nui maejiu doe reṅgecʼ gerehõ bańcao tahen lạgitʼ oka tahẽkantae ona jotogeye emkeda”

Luk 21:4 Referans Kwoze

Luk 15:12

Uniren huḍińicʼ hopon do apattetʼe metadea, ‘E baba, ińakʼ bhag reakʼ sompotti do den em kạtińme.’ Onate uni hoṛ do acʼakʼ tahẽkanteakʼ acʼren banar hopone hạṭińatʼkinạ.

Aposkạmi 4:34

Onko modre okoe hõ reṅgecʼ do bako tahẽkana, ente okoekoakʼ ot-baṛge se oṛakʼ-duạr tahẽkan onko do onako ạkhrińkate ṭaka-poesa ạgukate apostolkoakʼ jaṅga ṭhenko dohoyetʼ tahẽkana. Ar tayomte onko do mimitʼ hoṛ jạruṛako lekako em hạṭińako kan tahẽkana.

Luk 8:43

Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Mark 12:44

Ente onko hoṛ do akoakʼ asecʼ tasecʼ dhon khonko dohoakada, menkhan nui maejiu do acʼakʼ okulạnakʼ khon jauḍicʼ bańcaokʼ tahen lạgitʼ tahẽkantae, ona jotogeye dankeda.”

Luk 21:3

Unre Jisu do acʼren celakoe metatʼkoa, “Sạrigeń metapekana, nui reṅgecʼ rạnḍi maejiu do eṭakʼ sanamko khon bạ̃ṛtiye dohoakada,

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.