Luk 21:36 - সান্তালী বাইবেল

³⁶ Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Santali Common Language New Testament

³⁶ Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 21:36 Referans Kwoze

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Mathae 24:42

“Onate ape do jagwar akae tahenpe, ente bape baḍae hilokʼge aperen Probhu Isor doe hijukʼa.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiyatʼkoa: “Mitʼ nagrahare mitʼṭen hạkime tahẽkana.

Mark 13:33

Ape do sontor akan tahenpe, jagwar tahenpe ar koejoṅpe, ente bape baḍaea oktetetʼ do tiskan coṅ.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

1 Thessalonikikko 5:17

ar mitʼ talao koejoṅpe,

Mark 13:37

Okaṭakʼ iń metapekan ona do sanamkoń metakokana, jagwar akae tahenpe.”

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

Kolossiko lạgitʼ Pạul Apostolakʼ ciṭhi 4:2

Koejoṅre jamaṛ akan ar gun manao johar salakʼ jagwar akae tahenpe;

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Sereńko 1:5

Onate bicạr hilokʼ onko bedhoromko do bako ṭarhaokʼa, ar kạiyan hoṛko hõ dhorom hoṛkoakʼ jarwakʼre bako teṅgo ńama;

Jobakʼ 27:10

Onko do cetʼ sanam daṛeanicʼ iạteko rạskạkʼa? Onko do cetʼ jaoge Isorko hohoaekana?

Luk 20:35

Menkhan gocʼko khon beretʼkate darakan jugre parom calakʼ lạgitʼ lek kanako menteko lekhakʼte onko do bạhu hõ bako bạhu joṅa ar jãwãe hõ bako jãwãeyokʼa.

Jirimiạ 35:19

Ona iạte iń do Israelren phạdkoren Probhu Isoriń meneda, iń sewawạń lạgitʼ Rekabiạren hopon Jonadabakʼ bõsre tishõ hoṛkoakʼ khạnti do baṅ hoyokʼtakoa.”

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Mathae 24:43

Menkhan noa baḍaekakʼpe, oṛakʼ kisạ̃ṛe baḍaele khan oka pohor kombṛoe hijukʼa, enḍekhan uni do ebhengeye tahẽkokʼa, ar acʼakʼ oṛakʼ do ohogeye bhugạkʼ ocolea.

Mathae 24:44

Onate ape hõ sapṛao akan tahenpe, ente bape hudisetʼkan ghuṛirege Manwa Hopon doe hijukʼa.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Luk 21:35

Ar baṅkhan cetʼleka pạsi ackage bond godokʼ onkage ona din hõ ackage apere hecʼ paṛaokʼa, ar onka leka dhạrtiren sanam hoṛko cetanre hõ hecʼ paṛaokʼa.

2 Korinthiko 4:14

ente alele baḍaea, Probhu Jisu okoeye jiwetʼkede uni do Jisu sãote ale hõe jiwetʼ beretʼlea ar ape sãote ale hõ acʼ samaṅreye teṅgolea.

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.

Johan sodor 11:4

Unkin gohakin dokin hoyokʼ kana barea jạitun dare ar barea diuhe dohowakʼ, one okoe do dhạrtiren Probhu Isor samaṅrekin teṅgo akan.