Luk 21:25 - সান্তালী বাইবেল

²⁵ “Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Santali Common Language New Testament

²⁵ “Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼ takoa.

Luk 21:25 Referans Kwoze

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Aposkạmi 2:19

Iń do coṭ sermare hahaṛawakʼ ghoṭnakoń uduga, ar dhạrtire hõ ạḍi lekan cinhạkoń hoeocoya; metakʼme mãyãm, seṅgel ar aema dhuạ̃koń ńel ocoya.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Mark 13:26

Unre hoṛko do Manwa Hopon maraṅ daṛe ar ṭhonokante rimilte hijukʼkanko ńelea.

Mark 13:24

“Ona okte reakʼ santao tayomge siń cando doe ńutokʼa, ar ńindạ cando do bae terdeja,

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Mark 15:33

Ado gelbar baja khon pe baja hạbicʼ goṭa disạm do ńũtena.

Jirimiạ 4:23

Iń do dhạrtiń beṅgetʼada; ona do ạlmạl ar khạligea; sermako secʼ iń beṅgetʼkeda, onḍe do marsal bạnukʼa.

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Mathae 27:45

Enhilokʼ tikin gelbar baja khon pe baja hạbicʼ goṭa disạm do ńutge tahẽyena.

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Jesaea 17:12

Hae, hae, jạt jạtrenkoakʼ hud hudạukʼ do ańjomokʼ kana! Ona do jalapuri reakʼ hud hudạukʼ lekage. Disạmrenkoakʼ hud hudạukʼge ańjomokʼ kana. Onko do ḍubạ dakʼ reakʼ hud hud saḍe lekageko andoṛeda.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Luk 21:26

Ar dhạrtire darakanakʼko reakʼ botorte hoṛko doko keklesedokʼa, ente siń cando, ńindạ cando ar ipilko do ar bako ṭarhao tahena.