Luk 21:21 - সান্তালী বাইবেল

²¹ Unre okoe Jihudạreko tahen onko do buruteko ńirjoṅma. Ar okoe nagrahareko tahen onko do nagraha bahreteko oḍok calakʼma. Ar okoe atoreko tahen, onko do nagrahate aloko hijukʼma,

Santali Common Language New Testament

²¹ Unre okoe Jihudạreko tahen onko do buruteko ńirjoṅma. Ar okoe nagrahareko tahen onko do nagraha bahreteko oḍok calakʼma. Ar okoe atoreko tahen, onko do nagrahate aloko hijukʼma,

Luk 21:21 Referans Kwoze

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Mark 13:15

Chatre menaeicʼ do jãhãnakʼ oḍok idi lạgitʼ aloe pheḍokʼma ar oṛakʼte aloe bolokʼma.

Mathae 24:16

Unre Jihudạre tahenko do buruteko ńir pharakokʼma.

Jirimiạ 35:11

Menkhan Babelren raj Nebukadneser do tinre niạ disạme hatkeda unrele menkeda, ‘Babel ar Aramren lạṛhại phạdko ṭhen khon dela bon ńir paskaokʼma ar Jerusalemte bon calakʼma.’ Onate ale do Jerusalemregele tahẽyena.”

Kạhtukko 22:3

Budan hoṛko do muhinko ńel darama arko okokʼa, menkhan lelha hoṛ do muhin ńelkate hõ calakʼtegeko tahena ar ona iạte sạjạiko ńama.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

Genesis 19:26

Lotren bạhu do tayomreye tahẽkana ar uni do tayom secʼe koyokʼ ruạṛkeda, ar onate uni doe buluṅ ḍhipiyena.

Genesis 19:17

Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”

Mathae 2:1

Jihudạ disạm reakʼ Betlehem atore Jisuakʼ janam do hoylena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda,