Luk 20:26 - সান্তালী বাইবেল

²⁶ Hoṛko samaṅre Jisu okae menketʼ onate onko guptocor do bako jhạli daṛeadea. Ar uniyakʼ roṛ ruạṛteko hahaṛayente hapegeko tahẽyena.

Santali Common Language New Testament

²⁶ Hoṛko samaṅre Jisu okae menketʼ onate onko guptocor do bako jhạli daṛeadea. Ar uniakʼ roṛ ruạṛteko hahaṛayente hapegeko tahẽyena.

Luk 20:26 Referans Kwoze

Luk 20:20

Sostor baḍaeko ar maraṅ naekeko do Jisu akoakʼ nojorreko dohokedea ar guptocorko kolketʼkoa. Onko guptocor do Jisu acʼakʼ kathate jhạliye lạgitʼ dhorom hoṛ leka udugokʼko ehopʼena, jemon onko do disạm cakʼlaoyicʼ gobolreko soprot daṛeae.

Titus lạgitʼ Pạul Apostolakʼ ciṭhi 1:10

Nonkan ḍher hoṛ menakʼkoa okoe do bin gobol ar bokbokaokʼ arko bulạukokan. Okoe do khatnakʼre jorko emetʼkan, iń do nonkanko hoṛakʼ kathageń meneda.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Luk 13:17

Noa kathae roṛketʼ khan uni upạrteko tahẽkan sanamko doko lajaoena. Menkhan eṭakʼ hoṛko do uniyakʼ maraṅ kạmi ńelte ạḍiko rạskạyena.

Mathae 22:34

Jisu do Sạdukikoakʼ mocae bond akatʼtakoa mente Phạrusikoko ańjomketʼ khan onko do mitʼ ṭhenko jarwayena.

Mathae 22:22

Noa katha ańjomkate onko doko hahaṛayena ar bạgiyadeteko calaoena.

Mathae 22:12

ar bapla bhoj kicricʼ baṅ horokʼ akatʼ mitʼ hoṛe ńel ńamkedea. Raj do uniye kulikedea, ‘henda ho, bapla bhoj kicricʼ begorte cekate nonḍe dom boloyena?’ Khange uni doe keklesetʼena ar cetʼge bae roṛ ruạṛ daṛeada.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Mathae 8:10

Jisu do noa katha ańjomkateye hahaṛayena, ar acʼ pańjayede kankoe metatʼkoa, “Sạrigeń metapekana, Israelko modre nunạkʼ maraṅ pạtiạu do okoere hõ bạń ńelakada.

Luk 11:54

Ar ạḍi lekan kuklikote jhạlire paṛaoe lạgitʼ ạt ńam baṛaeko ehopʼena.