Luk 20:22 - সান্তালী বাইবেল

²² Ado Moseyakʼ ạn lekate Romren maharaj do cetʼ khajna emae ganokʼgea?”

Santali Common Language New Testament

²² Ado Moseakʼ ạn lekate Romren maharaj do cetʼ khajna emae lek gea?”

Luk 20:22 Referans Kwoze

Nehemiạ 9:37

Aleakʼ kại iạte okoeko raj do ale cetanre rajosṭim calao ocoyetʼko onko ṭhenge disạm reakʼ ḍher phosol do calakʼ kana. Onko do akoakʼ kusi leka aleakʼ hoṛmo cetanre ar aleren ạsul janwarko cetanre ạidạriko calaoeda. Ale do ạḍi duk ar kosṭore menakʼlea.”

Aposkạmi 5:37

Ona tayom hoṛ lekhako jokhecʼ Gạlilren Jihudạ hõ hecʼkate hoṛko acʼ secʼe ạcurketʼkoa. Ar uni hõe gocʼena, ar uniren sãotenko hõ sanamko chirchạturena.

Mathae 17:25

Patras do onkoe metatʼkoa, “Hẽ, emetʼgeae.” Inạ tayom Patras oṛakʼteye boloyen khan Jisu do roṛ daramkedeteye metadea, “E Simon, am do cetʼem hudiskea? Noa dhạrtiren rapajko do okoe ṭhen khon khajnako uṭhạueda? Nij disạmren hoṛko ṭhen khon, se bidesiạ hoṛko ṭhen khon?”

Nehemiạ 5:4

Arhõ eṭakʼkoko menetʼ tahẽkana, “Rajakʼ khajna emokʼ lạgitʼ jaega jumi ar darkha bagwan bondhok dohokate ṭaka hatao lagaoale kana.

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

Esra 4:13

Maharaj do arhõ baḍae jạruṛaea je, ona nagraha ar bhitko benao dohṛakʼ enḍekhan onko hoṛ do khajna, bheja, se mạsul do ar bako emokʼa. Ar onate rajakʼ do lokshan hoyokʼtaea.

Dosar Biboron 17:15

unre aperen Probhu Isor okoeye ṭhikape unigepe rajea. Ar uni do aperen Israel boehako modren mitʼ hoṛge jemone hoyokʼ. Okoe aperen Israel boehae baṅkan nonkan eṭakʼ jạtren hoṛ do alope rajkoa.

Luk 20:21

Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeyakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạrigem cetʼakokana.

Luk 20:23

Jisu do onkoakʼ phundi baḍaeketʼteye metatʼkoa,

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Romiko lạgitʼ Pạul Apostolakʼ ciṭhi 13:7

Okoeyakʼ oka bakhrakan uni do ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.