Luk 20:21 - সান্তালী বাইবেল

²¹ Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeyakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạrigem cetʼakokana.

Santali Common Language New Testament

²¹ Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạriakʼgem cetʼakokana.

Luk 20:21 Referans Kwoze

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Luk 20:20

Sostor baḍaeko ar maraṅ naekeko do Jisu akoakʼ nojorreko dohokedea ar guptocorko kolketʼkoa. Onko guptocor do Jisu acʼakʼ kathate jhạliye lạgitʼ dhorom hoṛ leka udugokʼko ehopʼena, jemon onko do disạm cakʼlaoyicʼ gobolreko soprot daṛeae.

Luk 20:22

Ado Moseyakʼ ạn lekate Romren maharaj do cetʼ khajna emae ganokʼgea?”