Luk 20:14 - সান্তালী বাইবেল

¹⁴ “Menkhan cacasko do uniko ńelkede khan ako akoreko menjoṅana, ‘nuige nahakʼ sompottiren mạlik doe hoedaṛeakʼa. Onate dela bon gojea, jemon aboge onaren ạidạriko bon hoyokʼ.’

Santali Common Language New Testament

¹⁴ “Menkhan casako do uniko ńelkede khan ako akoreko menana, ‘nuige nahakʼ sompottiren mạlik doe hoyokʼa. Onate delabon gojea, jemon aboge onaren ạidạriko bon hoyokʼ.’

Luk 20:14 Referans Kwoze

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Luk 22:2

Ar maraṅ naekeko ar sostor baḍaeko do hape hapete Jisu goje reakʼ ạtko ńam baṛayetʼ tahẽkana, ente onko do disạm hoṛko botorako kan tahẽkana.

Luk 20:19

Unre sostor baḍaeko ar maraṅ naekeko do Jisu sabeko menwana, enteko bujhạu daṛeada, Jisu do ako upạrtege noako kathae roṛetʼ kana; menkhan onko do hoṛkoko botoratʼkoa.

Luk 20:5

Unre onko do ako akore galmaraokateko menjoṅana, “Menle khan bon, ‘Isor secʼ khon,’ enḍekhane metabona, ‘tobe cedakʼ uni do bape pạtiạuadea?’

Luk 19:47

Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana,

Mathae 21:25

Mase lạipe, Johan do bạptisma emokʼ reakʼ ektiạri oka khone ńamleda? Serma khon se manwako secʼ khon?” Unre onko do ako talare galmaraoketʼteko menkeda, “Menle khan bon ‘serma secʼ khon,’ adoe metabona, ‘cedakʼ enḍekhan Johan do bape pạtiạuadea?’

Mathae 16:7

Noate celako do ako ako talare kheńjer-meńjer baṛayenteko menkeda, “Piṭhạ babon ạgu toraletʼte noa kathae metabon kana.”

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

Mathae 21:34

Ado tinre jo belekʼ reakʼ okte hoyena unre uni do acʼakʼ bhag hatao lạgitʼ cacasko ṭhen acʼren gutikoe kolketʼkoa.

Luk 20:13

“Unre darkha bagwanren kisạ̃ṛe menkeda, ‘cetʼ iń cekaea? Iń do ińren sadher hopongeń kolea. Hoedaṛeakʼa onko do uniko manotea.’

Luk 20:15

Noa menkate uniko sapʼkedea ar bagwan bahrete idikateko gocʼkedea. “Ńitokʼ darkha bagwanren kisạ̃ṛ do onko cacaskoe cekakoa?