Luk 2:9 - সান্তালী বাইবেল

⁹ Unre ackage Probhu Isorren mitʼṭen serma goḍet do onko samaṅreye teṅgoyena. Ar uniyakʼ ṭhonok do onko beṛhaete bamberena. Onate gupiko do ạḍiko botorena.

Santali Common Language New Testament

⁹ Unre ackage Probhuren mitʼṭen serma goḍet do onko samaṅreye teṅgoyena. Ar uniakʼ ṭhonok do onko beṛhaete bamberena. Onate gupiko do ạḍiko botorena.

Luk 2:9 Referans Kwoze

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Johan sodor 18:1

Inạ tayom ar mitʼṭen goḍet serma khon pheḍ hijukʼ kaniń ńelkedea. Uni do maraṅ ektiạri tahẽkantaea ar dhạrti do uniyakʼ ṭhonokte marsalena.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

1 Rapajko 8:11

Ar ona rimil iạte naekeko do sewa kạmi bako kạmi daṛeada, ente Probhu Isorakʼ ṭhonokte oṛakʼ do perecʼ akan tahẽkana.

Aposkạmi 5:19

Menkhan ńindạ jokhecʼ Probhu Isorren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

Johan 12:41

Jesaea do Jisuakʼ ṭhonoke ńelletʼte uni reaṅ noa kathae roṛleda.

Luk 24:4

Ar hahaṛakʼ tulucʼ ona reaṅko hudisokʼkan tahẽkanre bijli leka pĩṛĩtʼ pĩṛĩtʼ kicricʼ horokʼ akatʼ bar hoṛ onko samaṅre hecʼkatekin teṅgoyena.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Ibriko 12:21

Okaṭakʼ ńellen tahẽkan ona do nunạkʼ botoranakʼ tahẽkana je, Moseye menleda, “Iń do botorteń thar tharaokʼ kana.”

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Aposkạmi 12:7

Unre Probhu Isorren mitʼṭen goḍet do ackage hecʼkate onḍeye teṅgoyena. Onate hajot oṛakʼ reakʼ ona kandhare marsal bamberena. Serma goḍet do Patras kokhare ceṭakʼkedeteye ebhenkedea are metadea, “Usạra beretʼ hodokʼme.” Ar inạtege Patrasakʼ banar ti khon sikṛi do ńurgotʼena.

Luk 1:28

Serma goḍet do Mạriạm ṭhen hecʼkate joharadeteye metadea, “Probhu Isor do am soṅgere menaea are bhor akatʼmea.”

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Jeheskel 3:23

Onatege iń do beretʼkate bilạn ṭạnḍiteń oḍok calaoena. Ar Kebar gaḍa aṛere Probhu Isorakʼ oka ṭhonok iń ńelletʼ onkan ṭhonokge onḍe hõń ńelkeda; ar iń doń ombakʼena.

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Luk 2:8

Ar ona ṭoṭhare ńindạ jokhecʼ bhiḍi gupiko do bathan ṭạnḍire akoren pal bhiḍikoko horhoyetʼkokan tahẽkana.