Luk 2:40 - সান্তালী বাইবেল

⁴⁰ Ar bale Jisu doe hara idiyena are daṛe idiyena akelte perejokʼ tulucʼ. Ar uni cetanre do Isorakʼ daya tahẽkana.

Santali Common Language New Testament

⁴⁰ Ar bale Jisu doe hara idiyena are daṛe idiyena akelte perejokʼ tulucʼ. Ar uni cetanre do Isorakʼ daya tahẽkana.

Luk 2:40 Referans Kwoze

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

Luk 1:80

Ar Johan doe hara idiyente Jiureye daṛe idiyena. Ar Israelko samaṅre ạuriye bahalokʼ hạbicʼ uni do hahaṅkarregeye tahẽyena.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

1 Samuel 2:26

Ar huḍiń koṛa Samuel do sẽṛã idikʼtegeye tahẽyena ar Probhu Isor hõ manwako ṭhen khon dulạṛ ńame ehopʼena.

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

Luk 2:47

Ar okoeko Jisuakʼ kathako ańjometʼkan tahẽkan, onko sanamko do uniyakʼ akel ńelte ar uniyakʼ roṛ ruạṛ ańjomteko ṭhak utạrokʼkan tahẽkana.

Sereńko 22:9

Eṅgạńakʼ kukhi khon amgem oḍok ạgukedińa; iń do tinre eṅgạńakʼ towań ńũiyetʼ tahẽkana unre amge amre bhorsakʼ reakʼem udgạu ledeńa.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

Bikʼcạrko 13:24

Tayomte maejiuren do mitʼṭen koṛa hopone hoyena ar uniyakʼ ńutum do Samsone dohoketʼtaea. Samson doe hara idiyena ar Isor do uniye bhoradea.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Aposkạmi 4:33

Ar apostolko do maraṅ daṛe salakʼ gohako em idiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

1 Samuel 2:21

Probhu Isor do Hanna sạrigeye dayawadea. Onate Hanna doe bhạrti hoṛmoyena ar uniren do jotote pea hopon ar barea kuṛikin hoyentaea. Ar huḍiń Samuel do Probhu Isor ṭhen tahẽkate hara idikʼe ehopʼena.