Luk 2:4 - সান্তালী বাইবেল

⁴ Joseph do Dạud bõsren hoṛe tahẽkana. Ar Jihudạ reakʼ Betlehem do Dạud rajakʼ janam ato tahẽkana.

Santali Common Language New Testament

⁴ Joseph do Dạud bõsren hoṛe tahẽkana. Ar Jihudạ reakʼ Betlehem do Dạud rajakʼ janam ato tahẽkana.

Luk 2:4 Referans Kwoze

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Johan 7:42

Sonot sostorre cetʼ bae meneda, Dạud bõs ar Dạude tahẽkan Betlehem khonge Mạsi doe janamokʼa mente?”

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

Luk 4:16

Inạ tayom Jisu do Nasaretteye hecʼena. Ar nonḍege uni doe haralena. Uni do acʼakʼ niạm leka jirạukʼ mãhãre sunạgogreye boloyena, ar sostor paṛhao lạgitʼe teṅgoyena.

Mathae 2:23

ar Nasaretko metakʼ mitʼṭecʼ atore senkateye berelena. Noa do hoyena nạbiko hotete roṛlenakʼ katha jemon purạukʼ: enkathae, “Uni do Nasario menteye hoho ocokʼa.”

1 Samuel 20:6

Ar abenren baba do ạlińe khojleliń khan enḍekhan ben metaea, ‘Dạud do Bethlehemte acʼakʼ oṛakʼte usạra calakʼ lạgitʼ iń ṭhen nehõrkate hukume khojkeda,

Rut reakʼ kạhini 4:17

Ar aḍepaseren maejiukoko menkeda, “Naomiren do mitʼṭen koṛa gidrại hoyakana.” Onko do uni gidrạwakʼ ńutum Obedko dohoketʼtaea. Obed do Jisạiren apate tahẽkana ar Jisại do Dạudren apate tahẽkana.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Rut reakʼ kạhini 2:4

Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”

Johan 1:46

Nathanael do Philipe metadea, “Nasaret khon do cetʼ jãhãn bhageakʼ hecʼ daṛekokʼa? Philip do uniye metadea, “Dela hijukʼte ńeleme.”

1 Samuel 17:58

Sạul do uniye kulikedea, “E bạbu, am dom okoeren hopon kana?” Dạude menkeda, “Iń do Bethlehem atoren amren golam Jisạiren hopon kạnạń.”

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

Rut reakʼ kạhini 1:19

Inạ tayom bana hoṛ senokʼ kin ehopʼena ar mucạtʼre Bethlehemre kin seṭerena. Ar Bethlehem kin seṭeren khan goṭa ato unkin iạte umjhạuena. Atoren maejiuko menkeda, “Nui do cetʼ uni Naomi doe baṅkana?”

Genesis 48:7

Padam-Aram khon oḍokkate Kanan disạm reakʼ Ephrat khon thoṛa sạṅgiń tahenrege Rahel doe gocʼena, onate iń do ạḍi dukiń ńamkeda. Ephrat reakʼ horre, metakʼme Bethlehem calakʼ horre uniń topakadea.”

Genesis 35:19

Ar Rahel do Ephrat, metakʼme Bethlehem calakʼ horreko topakadea.

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Luk 2:3

Ar joto hoṛ ńutum ol ocoytako lạgitʼ apan ạpin atote calakʼko ehopʼena.

Luk 2:5

Onate Joseph hõ ńutum ol ocoytae lạgitʼ Gạlil reakʼ Nasaret khon Betlehem atoteye calaoena. Ar Mạriạm hõ uni sãote onḍeye senena.