Luk 2:37 - সান্তালী বাইবেল

³⁷ Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Santali Common Language New Testament

³⁷ Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawaekan tahẽkana.

Luk 2:37 Referans Kwoze

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.

Aposkạmi 14:23

Unkin do mitʼke mitʼ manḍerre maraṅ mukhiyạkin bahalketʼkoa ar okoe Probhu Isor cetanreko biswạs akan tahẽkan, koejoṅ ar upạste uni Probhu Isorakʼ tirege manḍerren hoṛkokin jimạkatʼkoa.

Sereńko 23:6

Ińiń baḍaea ińakʼ goṭa jionge amakʼ bhageakʼ ar dulạṛ do ińkin khudạuińạ arkin soṅgeạńạ; ar iń do jaejug hạbicʼ Probhu Isorakʼ oṛakʼreń girobasokʼa.

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Aposkạmi 13:3

Unre onko do upạskateko koejoṅkeda arko capoketʼkinte unkinko bidạkatʼkinạ.

Aposkạmi 26:7

Aleren gelbar khũṭren hoṛko do siń-ńindạ mon ar ontorte Isor sewawaete ona gokʼakʼ reakʼ purạukʼtetʼ ńel reakʼ asre menakʼkoa. E maharaj, ona as iạtege Jihudiko do ińko dusiyediń kana.

Sereńko 22:2

E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

Johan sodor 7:15

Onate noko do Isorakʼ siṅghạson samaṅre menakʼkoa ar serma reakʼ mundilre siń ńindạ uniko sewawae kana. Okoe siṅghạsonreye duṛupʼ akan unige noko cetanreye chạunikʼa.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.

Luk 5:33

Ado onko sostor baḍaeko do Jisuko metadea, “Johanren celako do jaogeko upạseda arko koejoṅkana, ar Phạrusikoren celako hõko onkayeda, menkhan amren cela doko jom ńũiyeda.”

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

Sereńko 84:4

Bhạgangeako onko do, one okoe do amakʼ oṛakʼreko tahẽnkan; onko do sanam ghạṛicʼ amgeko sarhaomea. (Sela)

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.

Exodus 38:8

Uni do pitạl reakʼ mitʼṭecʼ bhajane benaokeda. Ar okoeko maejiu sapʼdapʼ kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onkoakʼ pitạl reakʼ ạrsite ona bhajan ar ona reakʼ ganḍokoe benaokeda.

Sereńko 92:13

Aboren Probhu Isorakʼ oṛakʼre okoeko rohoe ocoakan onko do uniyakʼ racareko hara rakabokʼa.