Luk 2:34 - সান্তালী বাইবেল

³⁴ Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Santali Common Language New Testament

³⁴ Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭen cinhại hoyokʼa, uni birudre ḍher hoṛge kathako roṛa.

Luk 2:34 Referans Kwoze

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

Mathae 21:44

Ar okoe ona dhirireye ńurokʼ uni doe gejerokʼa ar okoere ona ńurokʼ uni doe holoṅ ḍigir utạrokʼa.”

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

Ibriko 7:7

Noare jãhãn digdhạ bạnukʼa je, bhor ataṅicʼ khon bhor emokʼicʼgeye maraṅa mente.

Romiko lạgitʼ Pạul Apostolakʼ ciṭhi 9:32

Cedakʼ bako daṛeada? Ente onko do biswạsre ṭehãḍ baṅkate kạmire ṭehãḍ akanko tahẽkana. Okaṭakʼ dhirire hoṛko tohodokʼ onarege onko hõko tohotʼlena.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 17:6

menkhan unkin do onḍe bako ńamletʼkina. Unre onko do Jason ar adom biswạsi boehako or oḍok idikate nagraha cakʼlaoko ṭhenko idiketʼkoa ar hohowateko menkeda, “Okoe hoṛ goṭa dhạrtiko gulmaletʼ onko do ńitokʼ nonḍe hõko hecʼakana;

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona upạrte aema lekan kathakote nisṛạueko ehopʼena.

Aposkạmi 4:26

Probhu Isor ar uniren Mạsi upạrte dhạrtiren rapajko do mitʼ domteko teṅgoyena, ar cakʼlaoko do mitʼ ṭhenko jarwayena.’

Johan 5:18

Jisuakʼ noa katha iạte mukhiyạko do goje reakʼ artetʼ dão ńam baṛaeko ehopʼena, ente uni do eken jirạukʼ mãhã reakʼ niạme rạputʼeda ona do baṅ, bickom Isor do acʼren Baba menteye metaekante acʼ do Isor somane benaokʼkana.

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼkana.

Mathae 27:63

“Hujur, disạkedale, uni bulạuicʼ do jiwetʼ tahẽkanreye menleda, ‘pe mãhã khangeń jiwetʼ ruạṛokʼa.’

Mathae 12:46

Jisu do tinre onko gadel hoṛe galmarao akokan tahẽkana unre ńelpe, eṅgat ar boehakotae do acʼ tulucʼ galmarao lạgitʼ bahrereko teṅgo akan tahẽkana.

Mathae 11:19

Ar Manwa Hopon do hecʼkateye jom-ńũiyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Exodus 39:43

Mose do onkoakʼ joto kạmi ńelteye bujhạukeda, Probhu Isorakʼ hukum lekage jotowakʼ kạmi do hoyakana. Onate Mose do Israelkoe bhoratʼkoa.

Genesis 47:7

Inạ tayom Joseph do Pharao ṭhen acʼren apate ạgukedea, ar Jakob do Pharao ạsirbade emadea.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Ibriko 7:1

Nui Melkisedek do Salemren raj ar maraṅ Isorren naekeye tahẽkana. Abraham do tinre rapajko bhagaokateye ruạṛ hijukʼkan tahẽkana unre nui Melkisedek tulucʼe ńapamlena. Ar Melkisedek do Abrahame bhorade tahẽkana,

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ upạrte kathako roṛeda.”

1 Samuel 2:20

Ar Eli do Elkana ar uniren bạhuttetʼe bhorakin jokhecʼe menetʼ tahẽkana, “Nui maejiu Probhu Isor ṭhen okoeṭakʼ hopone dan akade uni bodolte Probhu Isor do uniyakʼ kukhire arhõ gidrại emaea.” Ar inạ tayom onko do akoakʼ oṛakʼteko ruạṛ calakʼkan tahẽkana.

Luk 2:35

Onate onkoakʼ mon reakʼ hudis bundisko sodorokʼtakoa. Ona chaḍa tarwaṛete amakʼ ontor do sobokʼ tabokʼ tama.”