Luk 19:14 - সান্তালী বাইবেল

¹⁴ “Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Santali Common Language New Testament

¹⁴ “Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Luk 19:14 Referans Kwoze

1 Samuel 8:7

Unre Probhu Isor do uniye metadea, “Hoṛ okako metamkan onage onkaeme. Ente am do bako nihạ̃t giḍi akatʼmea, menkhan onko do ińgeko nihạ̃t giḍi akadińạ jemon onko cetanre aloń rajokʼ.

Johan 15:18

“Dhạrtiren hoṛkoko kurudape khan, baḍaepe ape lahare onko do ińgeko kurudạńkana.

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Luk 14:32

Ar bae daṛeakʼ khan eṭagicʼ raj sạṅgińreye tahenrege uni do mukhiyạ hoṛko kolkate sulukokʼ lạgitʼe kulijoṅa.”

Luk 19:13

Ado calakʼ lahare acʼren gel goṭen gutikoe hohowatʼkoa ar mimitʼ hoṛ mitʼ sae Dinarkate ematʼkoteye metatʼkoa, ‘iń ạuriń ruạṛ hijukʼ hạbicʼ noate bạnij bepar hataṛpe.’

Luk 19:15

“Enrehõ uni do raj hoekateye ruạṛ hecʼena ar okoeko ṭakae ematʼko tahẽkan onko gel goṭen guti do hoho ạguko lạgitʼe hukumkeda. Ar okoe tinạkʼko lab akada mente baḍae sanakedea.

2 Samuel 23:7

Okoe onko sapʼkoe men uni do mẽṛhẽtʼ reakʼ khanḍa bhanḍa se borlom beohar hoyokʼtaea; onate jãhãrege onkoko tahen onḍege seṅgelteko lo marao ocokʼa.”