Luk 18:43 - সান্তালী বাইবেল

⁴³ Ar unrege uni hoṛ do ńeńele ehopʼena ar Isor sarhao sarhaoate Jisui pańjakedea. Ar noa ńelte gadel hoṛ hõ Isorko sarhaokedea.

Santali Common Language New Testament

⁴³ Ar unrege uni hoṛ do ńeńele ehopʼena ar Isor sarhao sarhaoate Jisui pańjakedea. Ar noa ńelte gadel hoṛ hõ Isorko sarhaokedea.

Luk 18:43 Referans Kwoze

Sereńko 146:8

Probhu Isor do kãṛãko ńeńel reakʼ daṛeye emako kana; ar kuḍbur akanko doe sojheyetʼkoa; Probhu Isor do dhorom hoṛkoe dulạṛetʼkoa.

Galathiko lạgitʼ Pạul Apostolakʼ ciṭhi 1:24

Ar iń iạte onko do Isorko mạhimawadea.

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Aposkạmi 4:21

Unre onko do Patras ar Johan arhõ botorko udukʼatʼkinte unkinko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoyakan onate joto hoṛge Isorko sarhaoedekan tahẽkana.

Luk 13:17

Noa kathae roṛketʼ khan uni upạrteko tahẽkan sanamko doko lajaoena. Menkhan eṭakʼ hoṛko do uniyakʼ maraṅ kạmi ńelte ạḍiko rạskạyena.

Luk 5:26

Onate sanam hoṛko ṭhak cabayena ar botorokʼ salakʼ Isor sabasiyaeteko menkeda, “Teheń do hahaṛawakʼge bon ńelkeda!”

Luk 4:39

Unre Jisu do Simon hanhartetʼ pheḍre teṅgokate ruạye dhomkaokeda. Ar inạtege ruạ do chuṭạuentaea, ar beretʼkate uni do jomakʼ sapʼsorakoe ehopʼena.

Mathae 21:14

Inạ tayom kãṛã ar leḍhako mundilre Jisu ṭhenko hecʼen khan uni do onkoe bogeketʼkoa.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye em akawadete Isor sarhaoeko ehopʼena.

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jesaea 35:5

Unre kãṛãkoakʼ mẽtʼ do saṛokʼtakoa, ar kala hoṛkoakʼ lutur do jhijokʼtakoa.

Sereńko 107:15

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:8

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaokedea.

Sereńko 30:2

E Probhu, ińren Isor, goṛowạń lạgitʼ iń hohowatʼmere am dom boge utạrkedińa.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Luk 19:37

Ado Jerusalem sor reakʼ okaṭakʼ hor do Jạitun buru khon pheḍ hecʼakan ona soṛokreye seṭerena. Ar uni sãote uniren ạḍi utạr cela hõko tahẽkana. Onko do uniyakʼ hahaṛa kạmiko ńelletʼte rạskạte ãṭ aṛaṅte Isor sarhaoete memenko ehopʼena,

Luk 9:43

Unre sanam hoṛ do Isorakʼ maraṅtetʼ iạteko hahaṛayena. Ado Jisui cekaketʼakʼ babotre hahaṛa tulucʼko hudisokʼkan tahẽkanre, uni do acʼren celakoe metatʼkoa,