Luk 18:32 - সান্তালী বাইবেল

³² Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea.

Santali Common Language New Testament

³² Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea.

Luk 18:32 Referans Kwoze

Luk 23:11

Unre Herod do Jisui henostakedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Mark 14:65

Unre adomko do hoṛmoreko thoadea ar uniyakʼ mẽtʼko betʼketʼtaea ar kilạukedeteko metadea, “Am do cetʼ nạbi kanam? Mase lạime okoeye dalketʼmea!” Ona tayom palṭonko do idikateko thapa baṛakedea.

Mathae 26:67

Unre mẽtʼãhãreko thoadea, arko kuhạukedea arko thapakedea.

Mathae 16:21

Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.

Jesaea 52:14

Uniyakʼ rup do nunạkʼ bạṛicʼ ocokʼtaea, manwa leka do baṅ tahentaea; ar onate ḍherkoge uni ńelteko ṭhak utạrokʼa.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Johan 18:35

Pilạte roṛ ruạṛkeda, “Iń do cetʼ Jihudi kạnạń? Am jạtren hoṛ ar maraṅ naekekoge coṅ iń ṭhenko soprot akatʼme. Am do cetʼem ceka akada?”

Johan 18:30

Jihudi mukhiyạkoko menkeda, “Bạṛicʼakʼ bae kạmile khan am ṭhen do ohole ạgukea.”

Johan 18:22

Jisu noa kathae roṛketʼ khan sorre teṅgo akan tahẽkan kạmiyạko modren mitʼ hoṛ do uniye thapakedeteye metadea, “Maraṅ naeke nonkam roṛ ruạṛae kana?”

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Luk 23:1

Unre ona bạisiren sanamko do beretʼente Romren disạm cakʼlaoyicʼ Pilạt ṭhen Jisuko idikedea.

Mathae 27:2

Onko do Jisu tolkateko idikedete disạm cakʼlaoyicʼ Pilạt ṭhenko soprotkedea.

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Mark 15:1

Maraṅ naekeko do ạḍi setakʼre, murubbiko, sostor baḍaeko ar maraṅ bạisiren hoṛko soṅgekate mitʼṭecʼko solhakeda. Ar ona tayom do Jisuko tol idikedete Romren disạm cakʼlaoyicʼ Pilạt ṭhenko jimạkadea.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kuruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Mathae 22:6

Ar sarecʼko do rajren guti sapʼkateko opomanketʼkoa arko gocʼketʼkoa.

Luk 18:33

Ar cạbukte dalkateko gojea, ar pe mãhã hilokʼre uni doe jiwetʼ beredokʼa.”

Johan 18:32

Jisu do cetʼleka gujukʼ hoyokʼtaea ona do laharegeye lạiletʼa. Noa do hoyena uniyakʼ ona katha jemon purạukʼ.