Luk 18:23 - সান্তালী বাইবেল

²³ Noa katha ańjomkate mukhiyạ hoṛ do ạḍiye bhabnayena, ente uni do ạḍi kisạ̃ṛe tahẽkana.

Santali Common Language New Testament

²³ Noa katha ańjomkate mukhiyạ hoṛ do ạḍi ãṭe bhabnayena, ente uni do ạḍi kisạ̃ṛe tahẽkana.

Luk 18:23 Referans Kwoze

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

1 Johan 2:15

Ape do dhạrti ar dhạrti reakʼ jãhãnakʼge alope dulạṛa. Ar jãhãe dhạrtiye dulạṛ khan, enḍekhan uni do Baba bae dulạṛedekana,

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Luk 8:14

Jạnum jhạuạ talare ńũren itạte do onko lạgitʼge roṛ akana, okoe doko ańjometʼkan, menkhan jion reakʼ horte calakʼ calakʼte gharońj reakʼ dand-bhabna, dhon-durib ar suk talareko ten ocokʼ kana. Ar onate onko do jionre bako gele belekʼ kana.

Mark 10:22

Noa katha ańjomkate uni hoṛ doe mirluṅena. Uni do ạḍi utạr dhon tahẽkantaete bhabnakateye ruạṛ calaoena.

Mathae 19:22

Noa katha ańjomkate kisạ̃ṛ juạn do ạḍi bhabnakateye calaoena, ente uni do ạḍi utạr dhon tahẽkantaea.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Luk 18:24

Ado uni mukhiyạ hoṛ secʼ beṅgetʼkate Jisui menkeda, “Kisạ̃ṛko lạgitʼ Isorakʼ rajte bolokʼ do muskilgea.