Luk 18:11 - সান্তালী বাইবেল

¹¹ Khan uni Phạrusi do teṅgokate acʼ babotre nonkae koekeda, ‘E Isor, gun manao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Santali Common Language New Testament

¹¹ Khan uni Phạrusi do teṅgokate acʼ babotre nonkae koekeda, ‘E Isor, gunmanao joharam kạnạń, ente iń do eṭakʼ hoṛko leka luluṭicʼ, bedhoromicʼ, ar laṭghaṭicʼ doń baṅkana, se nui mạsul-uṭhạuicʼ leka hõń baṅkana.

Luk 18:11 Referans Kwoze

Mathae 6:5

“Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Johan sodor 3:17

Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.

Jesaea 65:5

Onko doko mena, ‘pharakre tahenme; iń ṭhen do alom hijukʼa, ente am khon ḍhergeń sonotgea.’ Onko hoṛ do ińakʼ mũ reakʼ dhũạ kanako ar goṭa din jolokʼkan seṅgel kanako.

Mark 11:25

5 Apepe koejoṅre jãhãe upạrte jãhãnakʼ tahentape khan uni do ikạyepe,

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭetʼtakoa. Noko hoṛ do ạḍi bạ̃ṛti sạjạiyokʼ hukumko ńama.”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Sereńko 134:1

E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiyakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseyakʼ ạn-ạriko manaore okoe hõ bako dusiledińa.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Kạhtukko 20:6

Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?

Kạhtukko 30:12

Arhõ nonkan hoṛ menakʼkoa okoe akoakʼ nońjorreko khạṭige, menkhan akoakʼ mạilạ khon bako saphakʼ kan,

Mathae 5:20

Ińiń metapekana, apeakʼ dhorom do Phạrusiko ar sostor baḍaeko khon baṅ soroslentape khan ape do serma rajre ohogepe bolo daṛelena.

Mathae 10:3

Thoma ar mạsul-uṭhạuicʼ Mathae; Alphaeren hopon Jakob ar Thaddae;

Luk 22:41

Ona tayom Jisu do celako ṭhen khon thoṛa sạṅgiń ńokʼ senkate ikhṛumente koejoṅe ehopʼena,