Luk 17:3 - সান্তালী বাইবেল

³ “Men sontorokʼpe. Amren boeha am upạrteye kạilere cehaoem. Ar kại khon mone ạcurletae khan uni do ikạkaeme.

Santali Common Language New Testament

³ “Men sontorokʼpe. Amren boeha am birudreye kạilere cehaoem. Ar kại khon mone ạcurletae khan uni do ikạkaeme.

Luk 17:3 Referans Kwoze

Levitikus 19:17

“Eṭakʼko cetanre amakʼ monre kurud alom dohoya. Eṭakʼkoakʼ dosko menakʼ khan udukʼakome jemon ona iạte dusire amhõ alom paṛaokʼ.

Mathae 18:21

Unre Patras do hecʼkate Jisui metadea, “E Probhu Isor, boehań iń upạrteye kạilere tinạkʼ dhaoiń ikạitaea? Eae dhao hạbicʼ?”

Kạhtukko 9:8

Landa dhutʼicʼ hoṛ do dosko alom udukʼaea, arem udukʼae khan ame hirkhạwama; bickom ạkilan hoṛ do uniyakʼ dosko udukʼaeme, uni do ame dulạṛmea.

Jakob 5:19

E ińren boehako, ape modre jãhãe sạriyakʼ khone chingạulen khan ar ape modren jãhãe uniye ạcur ruạṛle khan,

Kạhtukko 27:5

Jãhãe ame dulạṛme ar ona bae sodor, ona khon bickom jãhãe amakʼ dosko sodorteye udukʼam onage bhagea.

Dosar Biboron 4:23

Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Kạhtukko 17:10

Khaṭo bujan hoṛ mitʼsae dhaoko dale khon, bujhạntar hoṛ do mitʼ dhao eger hõ ona khon bạ̃ṛti bhijạuaea.

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

Dosar Biboron 4:15

“Horeb burure oka hilokʼ Probhu Isor do seṅgel tala khon ape ṭhene roṛletʼ enhilokʼ ape do uniyakʼ mẽtʼãhã bape ńelńamletʼtaea. Ona iạte ape do ape cetanre nońjorpe dohoya,