Luk 17:27 - সান্তালী বাইবেল

²⁷ Ente Noha do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Santali Common Language New Testament

²⁷ Ente Noah do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Luk 17:27 Referans Kwoze

Jesaea 21:4

Ińakʼ ontor do dhak dhakaokʼ kantińạ; botorteń thar tharaokʼ kana. Oka ńindạ lạgitʼ iń koyokʼ horakatʼ tahẽkan ona do ńitokʼ botoranakʼge hoyakantińạ.

Genesis 7:7

Ḍubạ dakʼ khon rukhiyạkʼ lạgitʼ Noha do, acʼren bạhu, ar uniren hoponko ar onkoren bạhuko tulucʼ ona jahajteye boloyena.

Genesis 7:23

Isor do otren sanam jiwiyanko dhạrti khone ḍahao marao cabaketʼkoa. Onate manwako, janwarko, leńokʼ ṭunḍạṅko ar coṭren cẽṛẽko do dhạrti khonko marao cabayena. Eken Noha ar uni sãote tinạkʼ do jahajreko tahẽkan onkoge jiwetʼko tahẽyena.

1 Samuel 30:16

Uni do onko ṭhen Dạude idikedea. Unre onko do ṭạnḍire hanḍe nanḍeko pasnao akan, jojom arko ńũńũkan, ar bubulakʼ ńũkateko enecʼ sereń joṅkan tahẽkana, ente Philisṭikoakʼ disạm ar Jihudạkoakʼ ṭoṭha khon onko do ḍher jinisko luṭ ạguakatʼ tahẽkana.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Mathae 22:30

Gocʼkoko jiwetʼ beredokʼ tayom do bạhu hõ bako bạhu joṅa ar jãwãe hõ bako jãwãeyokʼa; onko do sermaren goḍet lekako hoyokʼa.

Luk 17:26

“Noha oktere cetʼleka hoylen onkage Manwa Hopone hijukʼre hõ hoyokʼa.

Luk 17:28

Loṭ oktere cetʼleka hoylen onkage hoyokʼa. Ona jokhecʼ hoṛko doko jom ńũiyetʼ tahẽkana, kiriń-ạkhrińetʼkan tahẽkanako, cas-basetʼkan tahẽkanako arko oṛakʼ duạretʼkan tahẽkana.