Luk 16:25 - সান্তালী বাইবেল

²⁵ “Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Santali Common Language New Testament

²⁵ “Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 16:25 Referans Kwoze

Luk 6:24

“Menkhan hae ape kisạ̃ṛko do! Ape do apeakʼ jiwi raṛecʼpe ńam horayeda.

1 Johan 2:15

Ape do dhạrti ar dhạrti reakʼ jãhãnakʼge alope dulạṛa. Ar jãhãe dhạrtiye dulạṛ khan, enḍekhan uni do Baba bae dulạṛedekana,

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Mark 9:45

Ona norok reakʼ seṅgel do tishõ baṅ ĩṛĩjokʼa.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Ibriko 11:25

Uni do thoṛa din lạgitʼ kại reakʼ rạskạ bạgikate Isorren hoṛko sãote duk jojomgeye bachaoana.

1 Thessalonikikko 3:3

jemon noako duk ar sasetrepe paṛaolenre okoe hõ alope pạc ruạrokʼ. Ar ape hõpe baḍaegea, duk ar saset do abon lạgitʼ dohoakana.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Luk 16:23

Ado patalreye sasetokʼkan tahẽkanre coṭ secʼe beṅgetʼ rakapʼketʼ khan sạṅgińre Abraham ar uni sorre Lasare ńelkeda.

Luk 16:20

Ar uni kisạ̃ṛ hoṛakʼ duạr ṭhen Lasar ńutuman mitʼṭen kokoe hoṛ do jaoge ạgukateye doho ocokʼkan tahẽkana. Uni do goṭa hoṛmo ghaote perecʼ tahẽkantaea.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Rak̕joṅ 1:7

Jerusalem do acʼakʼ kosṭo ar dãṛãbaṛae dinkore acʼakʼ sedaeakʼ dhon dorib reakʼ kathae disạyetʼ kana. Uniren hoṛko tinre bạirikoakʼ tireko paṛaolena unre uni goṛowae lạgitʼ okoehõ bako tahẽkana. Uniren bạiriko uni secʼko beṅgetʼ akada ar maraokʼ lạgitʼko landa-dhutʼae kan tahẽkana.

Sereńko 49:11

Onko doko hudisa akoakʼ oṛakʼ duạr do tahengetakoa, ar tahen ṭhạ̃i hõ piṛhike piṛhi ṭikạu tahena, onate akoakʼ ńutumtege onko do sompotti reakʼ ńutumko emeda.

Sereńko 73:7

Itil iạte onkoakʼ mẽtʼ do lonḍo lonḍo caba akantakoa; onkoakʼ mon reakʼ bạṛicʼ hudisko do sareṛ akana.

Mathae 27:63

“Hujur, disạkedale, uni bulạuicʼ do jiwetʼ tahẽkanreye menleda, ‘pe mãhã khangeń jiwetʼ ruạṛokʼa.’

Luk 16:26

Ona chaḍa ape ar ale talare nonkan mitʼṭen maraṅ khạndṛuṅ dohoakana jemon jãhãege sanalere nonḍe khon paromkate ape ṭhen aloko calao daṛeakʼ ar onḍe khon paromkate ale ṭhen hõ aloko hecʼdaṛeakʼ.’

Dosar Biboron 28:17

“Apeakʼ phosol reakʼ khạclạkʼ ar holoṅ reakʼ ḍạlicʼ hõ sarapanakʼ hoyokʼtapea.