Luk 16:20 - সান্তালী বাইবেল

²⁰ Ar uni kisạ̃ṛ hoṛakʼ duạr ṭhen Lasar ńutuman mitʼṭen kokoe hoṛ do jaoge ạgukateye doho ocokʼkan tahẽkana. Uni do goṭa hoṛmo ghaote perecʼ tahẽkantaea.

Santali Common Language New Testament

²⁰ Ar uni kisạ̃ṛ hoṛakʼ duạr ṭhen Lasar ńutuman mitʼṭen kokoe hoṛ do jaoge ạgukateye doho ocokʼkan tahẽkana. Uni do goṭa hoṛmo ghaote perecʼ tahẽkantaea.

Luk 16:20 Referans Kwoze

Aposkạmi 3:2

Onḍe hoṛko do mundil reakʼ mońjko metakʼ duạr ṭhen dinạmge mitʼṭen hoṛ gokʼ ạgukateko dohokae kan tahẽkana. Uni do janam khonge leḍhageye tahẽkana. Ar mundilte bolokʼkanko ṭhen khon koe ńam lạgitʼ onḍeye doho ocokʼkan tahẽkana.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jakob 1:9

Okoeṭakʼ biswạsi boehae nindhạnge, ar Isor do uniye usulkedete apnarte bhạganicʼe hudisokʼma.

Luk 16:21

Ar kisạ̃ṛ hoṛakʼ mej khon hiricʼ pạsir okako jomakʼ ńurokʼkan tahẽkan onakote lacʼ perejtaye menetʼ tahẽkana, ar setako hõ uniyakʼ ghaokoko jaletʼtae tahẽkana.

Jobakʼ 2:7

Inạ tayom Soetan do Probhu Isor samaṅ khone oḍok calaoena ar Jobakʼ bohokʼ khon jaṅga talka hạbicʼ hasote perecʼ ghaoe kolladete kosṭo emaye ehopʼena.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Jirimiạ 8:22

Gileadre cetʼ molom do bạnukʼa? Onḍe do cetʼ cele ḍaktarge bạnukʼkoa? Enḍekhan iń jạtren hoponerawakʼ hoṛmo do cedakʼ baṅ bogekʼkana?

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Sereńko 73:14

Siń sạṭupʼge iń do kosṭoń jomakada; dinạm hilokʼ setakʼ jokhecʼ iń do sạjạiyiń jometʼ tahẽkana.

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

Johan 11:1

Lasar ńutuman Bethaniạren mitʼṭen hoṛ do ruạteye kạhil akan tahẽkana. Mạriạm ar uniren boeha kuṛi Martha hõ ona atoregekin tahenkan tahẽkana.

Mathae 26:71

Inạ tayom Patras do duạr ṭhene oḍok senena. Uni ńelte eṭagicʼ kạ̃ṛmĩ hõ onḍenko hoṛkoe metatʼkoa, “Nui hoṛ hõ Nasaretren Jisu sãoteye tahẽkana.”

Luk 16:19

“Mitʼṭen kisạ̃ṛ hoṛe tahẽkana. Uni do beguni roṅakʼ ar eṭakʼ damanakʼ kicricʼkoe horokʼ bandeyetʼ tahẽkana. Ar jaoge hesecʼ sekrejokʼ tulucʼe jom-ńũiyetʼ tahẽkana.