Luk 16:16 - সান্তালী বাইবেল

¹⁶ “Moseyakʼ ạn ar nạbikoakʼ olakʼ do Johan hạbicʼge. Ona tayom khon Isorakʼ raj reakʼ bhage sombat do porcarokʼ kana ar sanamkoge ona rajre jormoṭko bolokʼ kana.

Santali Common Language New Testament

¹⁶ “Moseakʼ ạn ar nạbikoakʼ olakʼ do Johan hạbicʼge. Ona tayom khon Isorakʼ raj reakʼ bhage sombat do porcarokʼ kana ar sanamkoge ona rajre jormoṭko bolokʼ kana.

Luk 16:16 Referans Kwoze

Mathae 21:32

ente Johan do Isorakʼ sana leka calakʼ reakʼ hor udukʼape lạgitʼe hecʼlena, ar bape pạtiạuatʼtea. Menkhan mạsul uṭhạuko ar kusmbiko doko pạtiạuatʼtaea. Ona ńelte ape do mon hõ bape ạcurleda ar uniyakʼ hõ bape pạtiạuatʼtaea.

Johan 1:45

Philip do Nathanaele sendra ńamkedeteye metadea, “Mose do okoeyakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasaret atoren Josephren hopon Jisu kanae.”

Luk 16:31

“Unre Abrahame menkeda, ‘Mose ar nạbikoakʼ katha jãhãe bako ańjom khan enḍekhan gocʼko mod khon jãhãegeye beretʼlenre hõ onko do ohoko pạtiạulena.’ ”

Mathae 3:2

“Mon ạcurtape, ente serma raj do sorakana.”

Aposkạmi 3:18

Menkhan Isor do ḍher din lahare sanam nạbiko hoteteye roṛleda Mạsi do duk jojom hoyokʼtaea; ar Isor do ona katha nonkageye purạukeda.

Luk 16:29

“Menkhan Abrahame menkeda, ‘Mose ar nạbikoakʼ puthi ma coṅ menakʼge. Onko do onkoakʼ kathako luturakʼ ma.’

Luk 10:11

‘ape ato reakʼ jaṅgare laṭkao akawatʼle dhuṛi do ape upạrtele muchạu oṭokakʼ kana. Enrehõ baḍaekakʼpe, Isorakʼ raj do sorakana.’

Luk 10:9

Ar ona atoren ruạkʼ hasokʼkan hoṛko bogekope ar lạiyakope, ‘Isorakʼ raj do ape ṭhen sorakana.’

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Luk 9:2

Ona tayom Isorakʼ raj porcar ar rugiko bogeko lạgitʼe kolkatʼkoa.

Mark 1:14

Johan hajotreye bhorao ocoyen khan Jisu do Gạlil Prodesteye calaoena. Ar nonka menkate Isorakʼ bhage sombat porcare ehopʼena,

Mathae 10:7

Ar calakʼ calakʼte noa porcarpe, serma raj do sor akana.

Johan 12:19

Noa ńelte Phạrusiko do ako akoreko men joṅana, “Aboakʼ do cetʼ labge baṅ hoyokʼkana. Ente ńelpe, goṭa dhạrtirenko do uniyakʼ dolteko calaoena.”

Johan 11:48

Ar nonkage bon aṛakʼ idiyae khan sanamkoge unireko pạtiạukʼa ar Romiko do hecʼkate aboakʼ mundil ar jạtko marao tabona.”

Mark 1:45

Menkhan uni hoṛ do bahrete oḍok senkate sanam jaegare noa khobor lại pasnaoe ehopʼena. Onate Jisu do okaṭakʼ nagrahate hõ sodorte bae bolo daṛeada. Uni do nisun jaegakore tahen hoyentaea; ar enrehõ hoṛko do sanam jaega khon uni ṭhen hijukʼko ehopʼena.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mathae 15:11

Moca secʼte oka bolokʼkan onate manwa do bae bhõnḍokʼa, menkhan moca khon oka oḍokokʼkan onatege manwa doe bhõnḍokʼ kana.”

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.