Luk 16:13 - সান্তালী বাইবেল

¹³ “Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛ doe kurudaea ar eṭakʼicʼ doe dulạṛea, se mitʼ hoṛ doe manotea ar eṭakʼicʼ doe neṅghaoea. Isor ar dhon ṭhen guti do ohogepe khaṭao daṛelena.”

Santali Common Language New Testament

¹³ “Okoe hõ barea kisạ̃ṛ ṭhen guti ohoe khaṭao daṛelena, ente mitʼ hoṛ doe kurudaea ar eṭakʼicʼ doe dulạṛea, se mitʼ hoṛ doe manotea ar eṭakʼicʼ doe neṅghaoea. Isor ar dhon ṭhen guti do ohogepe khaṭao daṛelena.”

Luk 16:13 Referans Kwoze

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Luk 14:26

okoe iń ṭhene hijukʼ, uni do acʼren eṅgat-apat ar bạhu ar gidrạko ar boehako ar miserako se acʼakʼ jiwi hõ iń khon bạ̃ṛtiye dulạṛ, enḍekhan ińren cela do ohoe hoydaṛelena.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Luk 11:23

“Jãhãege iń secʼrene baṅkan khan uni do iń upạrten kanae. Okoe iń sãote bae halaṅ uni doe chiṭiạua.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Luk 9:50

Jisu do uniye metadea, “Alope manayea, ente okoe ape upạrtene baṅkan uni do ape secʼren kangeae.”

Luk 16:12

Eṭakʼ hoṛkoakʼ ạidạriyakʼre pạtiạr bape tahen khan, enḍekhan apeakʼ ạidạrire tahen lạgitʼ do okoeye emapea?