Luk 15:6 - সান্তালী বাইবেল

⁶ Ar oṛakʼte calaokate acʼren gateko ar aḍepaseren hoṛko hohowakoteye metakoa, ‘iń sãote rạskạkʼpe, ente atʼlen bhiḍi doń ńam ruạṛ akadea.’

Santali Common Language New Testament

⁶ Ar oṛakʼte calaokate acʼren gateko ar aḍepaseren hoṛko hohoakoteye metakoa, ‘iń sãote rạskạkʼpe, ente atʼlen bhiḍi doń ńam ruạṛakadea.’

Luk 15:6 Referans Kwoze

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼakana; atʼgeye tahẽkana are ńam ruạṛakana.’ Ona tayom onko do hesecʼ sekrejokʼko ehopʼena.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼkana mente. Ar noa khobor ańjomkate sanam biswạsikoge ạḍiko kusiyena.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Luk 15:7

Ińiń metapekana, onkage kại khon mon ạcur bako moneyakʼkan aregel are dhorom hoṛko khon bickom mitʼṭen kại hoṛ mone ạcuretʼkante sermare arhõ bạ̃ṛti rạskạ hoyokʼa.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

Philipiko lạgitʼ Pạul apostolakʼ ciṭhi 4:1

E boehako, iń do apeń dulạṛetʼpea ariń uihạretʼpea. Apege ińakʼ rạskạ do, ar apege ińakʼ jitạukʼ reakʼ mala do. E dulạṛiạko ape do Probhu Isorre teṅgo ṭak akae tahenpe.

Philipiko lạgitʼ Pạul apostolakʼ ciṭhi 1:4

Ape lạgitʼ iń koejoṅre jao ghuṛi rạskạ salakʼ iń koejoṅ kana,

Luk 1:58

Ar uni cetanre Probhu Isorakʼ aema mãyã reakʼ katha ańjomkate aḍepaserenko ar peṛako do uni sãote rạskạkʼko ehopʼena.

Luk 15:5

Are sendra ńamle khan uni do rạskạte tarenreye ladeyea.