Luk 15:28 - সান্তালী বাইবেল

²⁸ “Unre maraṅicʼ hopon doe raṅgaoente bhitrite bolokʼ bae rebenlena. Onate apattetʼ doe oḍok hecʼena ar bhitrite bolokʼ lạgitʼe nehõradea.

Santali Common Language New Testament

²⁸ “Unre maraṅicʼ hopon doe raṅgaoente bhitrite bolokʼ bae rebenlena. Onate apattetʼ doe oḍok hecʼena ar bhitrite bolokʼ lạgitʼe nehõradea.

Luk 15:28 Referans Kwoze

Jona 4:9

Menkhan Isor do Jonae metadea, “Ona dare ńutumte pit caṛhaokʼ kantam dom ṭhiketʼgea?” Jonae menkeda, “Hẽ gujukʼ hạbicʼ pit caṛhaokʼkantiń doń ṭhiketʼgea.”

1 Samuel 18:8

Niạ sereń ańjomkate Sạul do ạḍiye edreyena. Uni do bekusiteye menkeda, “Dạud reaṅ onko do ojute ojutko meneda menkhan iń reaṅ do hajarke hajar. Niạ tayom Dạud do rajosṭi ńam chaḍa ar cetʼ sarecʼ tahẽyentaea?”

Luk 15:2

Onate Phạrusiko ar sostor baḍaeko do noa menkate karacʼ kurujokʼko ehopʼena, “Nui hoṛ do kại hoṛko sãoteye gatekʼkana are jom ńũiyeda.”

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jesaea 65:5

Onko doko mena, ‘pharakre tahenme; iń ṭhen do alom hijukʼa, ente am khon ḍhergeń sonotgea.’ Onko hoṛ do ińakʼ mũ reakʼ dhũạ kanako ar goṭa din jolokʼkan seṅgel kanako.

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona upạrte aema lekan kathakote nisṛạueko ehopʼena.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Luk 5:30

Unre Phạrusiko ar sostor baḍaeko doko karacʼ kurucʼente Jisuren celakoko metatʼkoa, “Mạsul uṭhạuko ar bạṛicʼ hoṛko tulucʼ do cedakʼpe jom ńũiyeda?”

Mathae 20:11

Onate onko do kisạ̃ṛ upạrte karacʼ kurucʼente memenko ehopʼena,

1 Samuel 17:28

Dạudren maraṅicʼ boeha Eliab do hoṛko sãote uniyakʼ galmaraoe ańjomketʼ khane raṅgaoena. Uni doe metadea, “Nonḍe do cedakʼem hecʼakana? Hahaṅkarre bhiḍiko do okoe jimạrem bạgi oṭoakawatʼkoa? Amakʼ bạḍại ar dusṭami reakʼ katha doń baḍaegea. Am do lạṛhại ńeńelgem hecʼakana?”

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

Romiko lạgitʼ Pạul Apostolakʼ ciṭhi 10:19

Iń do arhõń mena, Israelko do cetʼ ona katha bako bujhạu daṛeada? Pạhilre Moseye menakada, “Okoe do jãhãn jạtrengeko baṅkan, onko jạtrenko hotetege iń doń ãṭ ocopea; ar mitʼṭen bebuj jạtrenko hotete apeakʼ pitiń caṛhao ocoytapea.”

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Mark 1:40

Mitʼṭen murhucʼ jom rog hoṛ do Jisu ṭhen hecʼkate ikhṛumenteye menkeda, “Sanalem khanem boge daṛeạńạ.”

Luk 15:27

“Guti doe roṛ ruạṛadea, ‘bokome hecʼakana. Ar ạpum do napaegeye ńam ruạṛkedete lodgopʼ ḍaṅgrae gur akadea.’

Luk 15:29

Uni do apattetʼe metadea, ‘ńelme, iń do nunạkʼ bochor khoniń joton ạguiyetʼmea; menkhan mitʼ dhao hõ amakʼ hukum do bạń taṛam parom akada. Enhõ ińren gateko sãote hesecʼ sekrejokʼ lạgitʼ mitʼṭen merom hopon tanakʼ hõ bam em akawạdińa.

Jirimiạ 35:16

Rekabiạren hopon Jonadabren bõsko do akoren hapṛamkoakʼ emakʼ hukumko batao ạguyetʼkana, menkhan ape do ińakʼ katha bape ańjomletʼtińạ.