Luk 15:23 - সান্তালী বাইবেল

²³ ar lodgopʼ ḍaṅgra ạguiyete gurepe. Ar dela, jom ńũkate bon hesecʼ sekrejokʼma,

Santali Common Language New Testament

²³ ar lodgopʼ ḍaṅgra ạguyete jabeyepe. Ar dela, jom ńũ katebon hesecʼ sekrejokʼma,

Luk 15:23 Referans Kwoze

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Kạhtukko 9:2

Uni do janwar gurkate jele isin akada ar darkha rasa sãote mosolae mesal akawada; uni do jomakʼte ṭebile sajao akada.

Genesis 18:7

Ar ona tayom Abraham do ńir senkate pal khon mitʼṭen mońj phẽṭaṛe ạgukedete acʼren gutiye emadea. Ar guti do usạrate uniye isinkedea.

1 Samuel 28:24

Uni maejiuren do mitʼṭen lodgopʼ phẽṭãṛe tahẽkana. Uni do usạrateye gurkedea ar thoṛa holoṅ sipikate bin khạmiyanakʼ piṭhại benaokeda.

Kạhtukko 15:17

Aṛakʼ utu ar ona seletʼ dulạṛge bhagea jel utu daka ar ona seletʼ kurud khon do.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼakana; atʼgeye tahẽkana are ńam ruạṛakana.’ Ona tayom onko do hesecʼ sekrejokʼko ehopʼena.