Luk 14:21 - সান্তালী বাইবেল

²¹ “Ado uni golam do ruạṛ senkate acʼren kisạ̃ṛ jotowakʼe lạiyadea. Onate oṛakʼ kisạ̃ṛ do ạḍiye raṅgaoena ar acʼren golame metadea, ‘usạrate nagraha reakʼ kulhiko ar kucitʼ horkote sen hodokʼme ar reṅgecʼko, ṭhunṭạko, kãṛãko ar leḍhako nonḍe ạgukom.’

Santali Common Language New Testament

²¹ “Ado uni golam do ruạṛ senkate acʼren kisạ̃ṛ jotowakʼe lạiadea. Onate oṛakʼ kisạ̃ṛ do ạḍiye raṅgaoena ar acʼren golame metadea, ‘usạrate nagraha reakʼ kulhiko ar kucitʼ horkote sen hodokʼme ar reṅgecʼko, ṭhunṭạko, kãṛãko ar leḍhako nonḍe ạgukom.’

Luk 14:21 Referans Kwoze

Luk 14:13

Menkhan bhojem tearlere am do reṅgecʼ orecʼko, ṭhunṭạko, leḍhako, ar kãṛãko neotakom.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Johan 9:39

Jisui menkeda, “Iń do dhạrtite bicạr lạgitʼ iń hecʼakana, jemon baṅ ńeńelkoko ńeńel ar okoeko ńeńelkan onko do kãṛãko hoyokʼ.”

Luk 14:24

Ińiń metapekana, okoeko neota ocolen onko okoe hõ ińakʼ noa bhoj do bako cakha ńama.’ ”

Jesaea 35:6

Unre leḍhako do jel hopon lekako don baṛaea, guṅgạ hoṛkoakʼ alaṅ do rạskạteye andoṛa, hahaṅkarre do dakʼ bhumbukokʼa. Ar khaṅkar jaegakore do gaḍa dakʼ ạtukʼa.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Mathae 11:28

“Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Jesaea 33:23

Amakʼ ṭakʼnao baberko do ḍhil akantama; onare badam khunṭi do kajakte baṅ aṭkao akana, ar badam hõ baṅ pasnao akana. Unre ạḍi utạr jinisko hạṭińokʼa; ar leḍhako hõ luṭakʼ jinisko idi joṅa.

Luk 9:10

Ado oneye kolletʼko celakoko ruạṛ hecʼen khan cetʼ cetʼko kạmiketʼ ona joto do Jisuko lạiyadea. Unre Jisu doe soṅgeketʼkote Bethsaeda sor mitʼṭecʼ nisun jaegateye senena.

Mathae 18:31

“Noako ńelkate uni sãoten eṭakʼ gutiko do ạḍiko bhabnayena. Ar senkate akoren kisạ̃ṛko lạiyadea

Mathae 15:12

Unre celako hecʼkateko metadea, “Amakʼ noa kathate Phạrusikoko tạkijokʼkan dom baḍae kangea?”

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Sakariạ 11:7

Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

1 Samuel 25:12

Niạ katha ańjomkate onko hoṛ doko ruạṛ senena ar sanamakʼ katha Dạudko lạiyadea.

Sereńko 38:7

Ińakʼ ḍanḍare do jal jalaokʼkan hasoge menakʼa, ar ińakʼ horko do nirại bạnukʼtińạ.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Luk 14:20

Eṭakʼ ar mitʼ hoṛ doe menkeda, ‘bạhu akanwạnạń, onate bạń sen daṛeakʼ kana.’

Luk 14:22

Are onkaketʼ khan uni golam doe menkeda, ‘E Probhu, jotowakʼ do amakʼ hukum lekage hoyakana, menkhan jaega do ńit hõ menakʼgea.’

Mathae 20:7

“Onko doko metadea, ‘okoe hõ kạmire bako lagaoletʼlea.’ “Uni doe metatʼkoa, ‘Do, ape hõ ińakʼ darkha bagwante senkate kạmipe.’