Luk 14:13 - সান্তালী বাইবেল

¹³ Menkhan bhojem tearlere am do reṅgecʼ orecʼko, ṭhunṭạko, leḍhako, ar kãṛãko neotakom.

Santali Common Language New Testament

¹³ Menkhan bhojem tearlere am do reṅgecʼko, ṭhunṭako, leḍhako, ar kãṛãko neotakom.

Luk 14:13 Referans Kwoze

Luk 14:21

“Ado uni golam do ruạṛ senkate acʼren kisạ̃ṛ jotowakʼe lạiyadea. Onate oṛakʼ kisạ̃ṛ do ạḍiye raṅgaoena ar acʼren golame metadea, ‘usạrate nagraha reakʼ kulhiko ar kucitʼ horkote sen hodokʼme ar reṅgecʼko, ṭhunṭạko, kãṛãko ar leḍhako nonḍe ạgukom.’

Jesaea 58:10

ar reṅgecʼ hoṛpe mãyãwako ar jomakʼpe emako, enḍekhan ńutrehõ apeakʼ marsal do jolokʼtapea ar ńindạ do tikin okte leka hoyokʼa.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Jesaea 58:7

reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Ibriko 13:2

Ar peṛakʼ do alope hiṛińa; adom adomko do begor baḍaetege serma goḍetkoko peṛaletʼkoa.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Mathae 22:10

Unre onko gutiko do horkore oḍok senkate boge bạṛicʼ tinạkʼko ńamketʼko, jotogeko hoho ạguketʼkoa. Ar nonkate bapla oṛakʼ do onko peṛakote perecʼena.

Dosar Biboron 16:14

Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar pekʼṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Nehemiạ 8:12

Unre disạmren sanam hoṛko do rạskạ salakʼ jom-ńũi lạgitʼ ar jomakʼ hĩs khon kol lạgitʼko ruạṛ calaoena, ente okako katha onkoko baḍae ocolen ona doko bujhạu daṛeada.

2 Bõsbudạ 30:24

Jihudạren raj Hiskiạ do sanam hoṛko lạgitʼ mitʼ hajar ḍaṅgra ar eae hajar bhiḍikoe emena ar maraṅ hudạren hoṛko lạgitʼ do mitʼ hajar ḍaṅgra ar gel hajar bhiḍi. Ar naekeko modren ḍherkoge apnartetʼko saphayena.

2 Samuel 6:19

Ona tayom uni do sanam hoṛko, metatʼme jarwa akan Israelren sanam herelhoṛ ar maejiuko mimitʼ goṭecʼ piṭhạ, ar mimitʼ dholma jel ar mimitʼ goṭecʼ kismis piṭhại ematʼkoa. Ar ona tayom onko do apan ạpin oṛakʼteko ruạṛ calaoena.

Titus lạgitʼ Pạul Apostolakʼ ciṭhi 1:8

Menkhan uni do peṛayicʼ, bhageakʼ dulạṛicʼ, akelanicʼ, dhoromicʼ, sonoticʼ, ar sambṛaokʼicʼe hoyokʼma.

Philimon 1:7

E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nãwãte udgạu monem sagen ocoakada.

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Mathae 15:30

Unre gadel hoṛ do soṅgete, leḍhako, kãṛãko, ṭhunṭạko, guṅgạko ar eṭakʼkoko ạgu daraketʼkoa. Ar uniyakʼ jaṅga ṭhenko dohoketʼko khan uni doe bogeketʼkoa.

Luk 14:12

Ado neota akadeyicʼ hõe metadea, “Am do jom ńũi reakʼem sapṛaolere, se bhojem tearlere amren gateko se boehako se peṛa pạrbhạko se aḍe paseren kisạ̃ṛ hoṛko do alom neotakoa. Arem onka lekhan onko hõ amko neotamete amakʼ neotako hala ruạṛkatama.

Luk 14:14

Enḍekhan Isorakʼ bhorem ńama, ente onko do bako neota hala ruạṛ daṛeama. Ar dhoromko gocʼko khonko jiwetʼ beretʼ ocokʼre am do noa reakʼ halawama.”