Luk 13:35 - সান্তালী বাইবেল

³⁵ Ńelpe, apeakʼ oṛakʼ do ape samaṅre khạlige tahena. Ińiń metapekana, tin hạbicʼ ạuripe men, ‘bhorangeae Probhu Isor ńutumte daraekanicʼ do,’ unhạbicʼ iń do ar bape ńel ńameńa.”

Santali Common Language New Testament

³⁵ Ńelpe, apeakʼ oṛakʼ do ape samaṅre khạlige tahena. Ińiń metapekana, tin hạbicʼ ạuripe men, ‘bhorangeae Probhu ńutumte daraekanicʼ do,’ un hạbicʼ iń do ar bape ńelńameńa.”

Luk 13:35 Referans Kwoze

Sereńko 118:26

Okoe Probhu Isor ńutumteye hijukʼkan uniyakʼge sarhao hoyokʼtae ma. Probhu Isorakʼ oṛakʼ khon ale do apele bhorape kana.

Johan 12:13

Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Sereńko 69:25

Onkoakʼ tahen jaega do ujạṛakʼge hoyokʼma; onkoakʼ tạmbure cele hõ aloko tahenma.

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 35:17

“Ona iạte iń Israelren phạdkoren Probhu Isoriń meneda, ‘ańjompe, Jihudạ ar Israelreko girobasokʼ kan mimitʼko upạrte oka muhin reakʼ kathań men akatʼ ona reakʼ jotowakʼ do onko cetanreń paṛao ocoya. Iń do onkoń metatʼko tahẽkana, menkhan bako ańjomletʼtińạ; hohowatʼko tahẽkạnạń, menkhan bako goṅledeńa.’ ”

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.