Luk 13:25 - সান্তালী বাইবেল

²⁵ Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Santali Common Language New Testament

²⁵ Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Luk 13:25 Referans Kwoze

Luk 13:27

Unreye metapea, ‘oka khon coṅpe hecʼakan, iń do bạń baḍae akatʼpea. E phạsiạrako, men iń khon ńirjoṅpe.’

Luk 6:46

“Ape do cedakʼ ‘Probhu Isor, Probhu Isorpe’ mitạń kana, menkhan iń okań metapekan ona do bape onkayeda?

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

Ibriko 12:17

Baḍaegeape, tayomte rakʼ rakʼte ạsirbade koeletʼre hõ enhõ uni doe nihạ̃t giḍi ocoyena, ente mon ạcur reakʼ ạt unre baṅ tahẽkana.

2 Korinthiko 6:2

Isor do sonot sostorreye menakada, “Batar jokhecʼ iń do amakʼ kathań ańjomketʼtama ar kại khon bańcaokʼ reakʼ dinreń goṛo akatʼmea.” Ńelpe, oktetetʼ do ńitokʼkangea, ar teheńge bańcao ńam reakʼ din kana.

Sereńko 32:6

Ona iạte tinạkʼ din ạt menakʼ unạkʼ din amko botoramkan hoṛ do am ṭhenko koejoṅ ma; sạrige, muhin do banbạsi dakʼleka tinre hijukʼa unre ona do onko baṅ paṛao akoa.

Genesis 7:16

Isor do Noha okalekae hukumade tahekan onkage onko do eṅga ạnḍiạ jahajteko rakapʼena. Ar ona tayom Probhu Isor do jahaj reakʼ duạre sińkeda.

Luk 3:8

Ar kại khon cetʼleka monpe ạcurakatʼ onkage ona reakʼ lek leka apeakʼ jionre jo udugpe. Ar Abrahamren bõs kanape mente alope hudisa. Sạrigeń metapekana, Isor do noako dhiri khon Abrahamren bõskoe benao daṛeakoa.