Luk 13:24 - সান্তালী বাইবেল

²⁴ “Sakṛa duạrte bolokʼ lạgitʼ lạgiyạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Santali Common Language New Testament

²⁴ “Sakṛa duạrte bolokʼ lạgitʼ lạgiạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Luk 13:24 Referans Kwoze

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

Ibriko 4:11

Onate dela, ona jirạu ńam lạgitʼ bon ahkaokʼma. Okoe hõ jemon onko bebatao Israelko leka Isor bemanotete uniyakʼ jirạu khon aloko eṛanokʼ.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Kạhtukko 21:25

Asaṅpoḍa hoṛakʼ laloc do uniyakʼ gujukʼgeye ạguiya, ente uniyakʼ ti do kạmi hõ bae kạmiya.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Johan 7:34

Arpe ńam baṛayińạ menkhan bape ńameńa, ar okareyiń tahen onḍe hõ ohogepe sen daṛelena.”

Sosolhayic̕ 10:15

Bebujicʼakʼ khaṭaokʼ do uniye laṅga cabayea; uni do nunạkʼe lelhagea, nagrahate calakʼ reakʼ hor hõ bae baḍaekana.

Johan 8:21

Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Mathae 11:12

Johan bạbạptisicʼakʼ okte khon ńit hạbicʼ serma raj doko jormoṭetʼ kana, ar okoeko jormoṭetʼkan onkoge ona doko recʼjoṅkana.

Kạhtukko 14:6

Landa dhutʼicʼ hoṛ do sendrate ạkil bae ńama, menkhan bud menakʼtae hoṛ do usạrage ạkile hameṭ joṅa.

Johan 13:33

“E bachako, iń do ape tulucʼ ar thoṛa ghạṛicʼ minạńa. Ape do ińpe ńam baṛańạ, menkhan Jihudi mukhiyạko cetʼlekań metatʼko tahẽkan, ‘okateń calakʼkan onḍe do ohope sen daṛelena,’ onkage ape hõ ńitiń metapekana.

Luk 13:23

Ar mitʼṭen hoṛ do uniye kulikedea, “E Probhu, kại khon bańcao do cetʼ eken thoṛa hoṛgeko ńama? Unre Jisu do gadel hoṛkoe metatʼkoa,

Josuạ 7:3

Ona tayom onko do Josuạ ṭhen ruạṛ hecʼenteko menkeda, “Ae nagraha upạrte sanam hoṛ calakʼ reakʼ jạruṛ do bạnukʼa. Ona dokhol lạgitʼ do bar se pe hajar hoṛ kolkom. Noa iạte sanam hoṛ do alom haron ocokoa, ente onḍenko hoṛkoakʼ lekha do thoṛagea.”

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.