Luk 13:14 - সান্তালী বাইবেল

¹⁴ Jisu do jirạukʼ mãhãreye bogekedete sunạgogren mukhiyạ doe edreyente hoṛkoe metatʼkoa, “Kạmi lạgitʼ turui din ma menakʼge. Onate jirạukʼ mãhãre baṅ hecʼkate ona turui din bhitrire hecʼkate boge ocokʼpe.”

Santali Common Language New Testament

¹⁴ Jisu do jirạukʼ mãhãreye bogekedete sunạgogren mukhiyạ do edreyente hoṛkoe metatʼkoa, “Kạmi lạgitʼ turui din ma menakʼge. Onate jirạukʼ mãhãre baṅ hecʼkate ona turui din bhitrire hecʼkate boge ocokʼpe.”

Luk 13:14 Referans Kwoze

Exodus 20:9

Hapta reakʼ turui mãhãm khaṭaokʼa ar amakʼ jotowakʼem kạmiya,

Mathae 12:2

Ona ńelte Phạrusiko do Jisuko metadea, “Ńelme, dhorom reakʼ niạm lekate jirạukʼ mãhãre okaṭakʼ lek baṅkan amren celako do onageko kạmikana.”

Luk 6:7

Unre sostor baḍaeko ar Phạrusiko do Jisu dusire paṛaoe lạgitʼ ạtko ńam baṛayetʼ tahẽkana. Ar jirạukʼ mãhãre uni do jãhãeye bogekoa se baṅ, ona lạgitʼ mońjteko tạnkhi baṛayede tahẽkana.

Luk 8:41

Unre Jaerus ńutuman sunạgogren mitʼṭen mukhiyạ hoṛ do hecʼente Jisuakʼ ti jaṅgareye giḍiyena.

Mark 5:22

Unre Jihudikoakʼ sunạgogren Jaerus ńutuman mitʼṭen mukhiyạ hoṛ do onḍeye hecʼena ar Jisui ńelkede khan uniyakʼ jaṅgareye giḍiyena.

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Aposkạmi 18:17

Unre Jihudiko do sunạgogren mukhiyạ Sosthenesko sapʼkedete adalot samaṅregeko dalkedea; menkhan Gallio do cetʼge bae mẽtʼ luturada.

Aposkạmi 18:8

Sunạgogren mukhiyạ Krispus ar acʼ gharońjren sanamko do Probhu Isorreko pạtiạuena. Ona chaḍa Korinthiko modren ḍher hoṛge Pạulakʼ katha ańjomkateko pạtiạuena arko bạptisena.

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Luk 6:11

Unre dhorom mukhiyạko do ạḍi bạṛicʼko raṅgaoena ar Jisu cetʼko cekaea ona reakʼ ako talare galmaraoko ehopʼena.

Jeheskel 20:12

Iń ar onko talare cinhạ lekate jirạukʼmãhãń ematʼkoa jemonko baḍae daṛeakʼ je, iń Probhu Isorge iń ńutumteń begar dohoakatʼkoa mente.

Levitikus 23:3

Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Dosar Biboron 5:13

Hapta reakʼ turui dinem khaṭaokʼa ar amakʼ jotowakʼem kạmiya,

Jeheskel 34:21

Joto nijor bhiḍiko ạuripe laga ńirko hạbicʼ ape do hoṛmo ar tarenkote onkope ṭhelaoetʼkoa ar dereńtepe uṭicʼ pạsiretʼkoa.