Luk 12:56 - সান্তালী বাইবেল

⁵⁶ E phạsiạrako, ot ar serma reakʼ cinhạ dope baḍae orometʼ kangea, menkhan ńitokʼ reakʼ okteko do cekate bape oromeda?

Santali Common Language New Testament

⁵⁶ E phạsiạrako, ot ar serma reakʼ cinhạ dope baḍae orometʼ kangea, menkhan ńitokʼ reakʼ okteko do cekate bape oromeda?

Luk 12:56 Referans Kwoze

Mathae 16:3

Ar setakʼ jokhecʼ dope mena, ‘teheń doe hoe daga ente serma do arakʼ ar dhũndgea.’ Serma reakʼ muṭhạn papachnao dope baḍaekana, menkhan okte reakʼ cinhạko do bape bujhạu daṛeakʼ kana.

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

1 Bõsbudạ 12:32

Esakhar gusṭiren bar sae mukhiyạko. Onko do budan hoṛko tahẽkana arko bujhạu daṛeakʼkan tahẽkana Israelko tinre cetʼ cekae hoyokʼtakoa mente. Onko sãoteko do ako taberen ako gusṭiren hoṛkogeko tahẽkana.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.