Luk 12:48 - সান্তালী বাইবেল

⁴⁸ Menkhan okoe begor baḍaete sạjại ńam reakʼe kạmi akatʼ uni do thoṛageye sạjại ocokʼa. Ar ḍhere em ocoakanicʼ ṭhen khon do ḍhergeko hataoa ar ḍhere jimạ ocoakan hoṛ hõ bạ̃ṛtiko koeyea.

Santali Common Language New Testament

⁴⁸ Menkhan okoe begor baḍaete sạjại ńam reakʼe kạmi akatʼ uni do thoṛageye sạjại ocokʼa. Ar ḍhere em ocoakanicʼ ṭhen khon do ḍhergeko hataoa ar ḍhere jimạ ocoakan hoṛ hõ bạ̃ṛtiko koeyea.

Luk 12:48 Referans Kwoze

Jakob 3:1

E boehako, ape modre sanamkoge guru do alope hoyokʼa, entepe baḍaegea, abo do guru iạte eṭakʼko khon arhõ kajak bicạr hoyokʼtabona.

Levitikus 5:17

“Jãhãe begor baḍaete Probhu Isore mana akatʼ reakʼ jãhãnakʼe cekae enḍekhan uni do dusireye paṛaokʼa ar onate uni do dạyireye paṛaokʼa.

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Mathae 13:12

Ente okoe menakʼtae uni do arhõe em ocokʼa, onate uniyakʼ do aema hoyokʼtaea. Menkhan okoeyakʼ bạnukʼtae uni do oka menakʼtae ona hõe recʼocokʼa.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼkana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

Luk 16:2

Unre kisạ̃ṛ do uni hoṛ hohowadeteye kulikedea, ‘am upạrte cetʼkoń ańjomeda? Onate kạmi reakʼ hisạb imạńme, ente maraṅ lonbonicʼ do ar bam tahẽdaṛeakʼa.’

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.

Numeri 15:27

“Menkhan eken mitʼ hoṛ bhulkate behokakʼe kạmi akatʼ khan enḍekhan uni do kại ńutumte samaṅokʼakʼ lạgitʼ mitʼ bochor umerren merom pạṭhi ạguiye hoyokʼtaea.

Dosar Biboron 25:2

Ona rayre dusiyicʼ do dale reakʼ hukum hoylen khan bikʼcạricʼ do uniye taber ocoyea ar dos akatʼ lekate lekhakate acʼ samaṅregeye dal ocoyea.

Luk 12:41

Unre Patrase menkeda, “E Probhu, noa cecetʼakʼ do eken ale lạgitʼ se sanamko lạgitʼem emokʼkana?”

Luk 12:49

“Iń do dhạrtite seṅgel capatʼ iń hecʼakana; ar ona do laharege jollen khan bhage hoykokʼa!

Mathae 23:14

“Hae, ape sostor baḍaeko, Phạrusiko ar phạsiarako do! Ape do hoṛko ṭhen ńel ocokʼ lạgitʼ jeleń jeleńpe koejoṅ kana, ar eṭakʼ secʼ do rạnḍi maejiukoakʼ oṛakʼ duạrkope jom ujạṛetʼtakoa. Onate ape do artetʼ bạ̃ṛti sạjại hoyokʼtapea.”