Biblia Todo Logo
Bib sou entènèt

- Piblisite -




Luk 12:42 - সান্তালী বাইবেল

42 Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Gade chapit la Kopi

Santali Common Language New Testament

42 Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Gade chapit la Kopi




Luk 12:42
29 Referans Kwoze  

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.


Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.


Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.


Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.


Ar ạḍi lekate sodorokʼkan Isorakʼ daya ńamkate okoe hoṛ do pạtiạr salakʼ kạmire onae lagaoetʼkan, onkan hoṛ lekate ape do Isor ṭhen khon okalekan danpe ńamakatʼ ona baṛe ape apere sapʼ sopohotʼ lạgitʼ beoharpe.


Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.


Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.


“Ado ạyupʼen khan darkha bagwanren mạlik do acʼren gutiye metadea, ‘kạmiyạko hoho ạgukom ar tayomtenko khon ehopʼkate lahatenko hạbicʼ mimitʼ mimitʼte kuṛại emakom.’


Ape do toape jomeda, ar upʼte do kiricʼ benaokatepe horokʼeda ar bachao akan bheḍakope guretʼkoa, menkhan bhiḍiko do bape jotonetʼkoa.


Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.


Okoe hoṛ lek lekate kathae roṛ uni doe kusikʼa; ente ṭhik oktere katha roṛ do tinạkʼ bhage!


Sạrige Mose do Isorakʼ gharońjren sapʼdapʼicʼ lekate pạtiạricʼe tahẽkana, jemon uni do darakan dinkore okaṭakʼ roṛogokʼ ona reaṅ gohae emdaṛeakʼ.


Probhu Jisu do uni rạnḍi maejiu ńelte mãyã hecʼadeteye metadea, “Alom raga.”


Unre Jisui metatʼkoa, “Serma raj reaṅko cetʼ akawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nãwãnakʼ ar mareakʼkoe oḍokketʼ.”


Onko cetanre nonkan gukʼpikoń bahalkoa okoe do onkoko ńel todarot daṛeako; unre ińren bhiḍiko bako botorokʼa, bako asokʼ ṭayogokʼa ar okoeṭakʼge bako adokʼa. Iń Probhu Isorge niạ kathań meneda.”


Loa dareye jotonetʼkan hoṛ do ona reakʼ jogeye joma; ar okoe acʼren kisạ̃ṛe sapʼsoraekan uni doe manot ocokʼa.


Ńindạ tahenrege uni doe beretʼkana; ar gharońjrenko lạgitʼ jomakʼe emokʼkana ar kạ̃ṛmĩ kuṛikotae do niṭakʼ kạmikoe hạṭińako kana.


Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeyakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”


Bhạgangeae uni guti, one okoe do kisạ̃ṛtae pạtiạu salakʼ kạmireye hecʼ ńame.


Okoe gạkhuṛ kạrigolko sonot ṭhạ̃i reakʼ sekʼwa kạmi lạgitʼko kạmikan tahẽkan onko do onako ńelketʼ khan kạmi thirkate Mose ṭhen senkateko menkeda, “Probhu Isorakʼ hukum leka kạmi lạgitʼ tinạkʼ jạruṛokʼ hoṛko do ona khon hõ ḍher jinisko ạguyeda.”


Manwa cetʼleka budko khaṭao ona lekage sarhaoko ńama, menkhan peṛta hoṛ doko nihạ̃t ocokʼa.


Swiv nou:

Piblisite


Piblisite