Luk 12:32 - সান্তালী বাইবেল

³² “Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Santali Common Language New Testament

³² “Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Luk 12:32 Referans Kwoze

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Luk 10:21

Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu Isor kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sana lekage noa do hoyakana.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

2 Patras 1:11

Noa iạte aboren Probhu ar babańcaoicʼ Jisu Mạsiyakʼ jaejug rajosṭire jid salakʼpe ataṅ ocokʼa.

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

2 Thessalonikiko 1:5

Ar noakoge Isorakʼ dhorom bicạr reakʼ mitʼṭecʼ porman kana. Noa reakʼ monsubạ do hoyokʼ kana, jemon Isorakʼ rajosṭire lekmanko mentepe lekhakʼ. Ar ona iạtege ape do nunạkʼ dukpe sahao akada.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Johan 18:36

Jisui menkeda, “Ińakʼ raj do noa dhạrti reakʼ do baṅkana. Ente noa dhạrti reakʼ tahẽlen khan enḍekhan ińren hoṛko lạṛhạikokʼa jemon Jihudi mukhiyạkoakʼ tire aloń paṛaokokʼ; menkhan ińakʼ raj do nonḍenakʼ do baṅkana.”

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Mathae 20:16

Golpo mucạtʼre Jisui menkeda, “Onkage okoe do tayomre menakʼko onko doko lahakʼa ar lahatenko doko tayomokʼa.”

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Aposkạmi 20:29

Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.