Luk 12:31 - সান্তালী বাইবেল

³¹ Ona khon boroṅ uniyakʼ raj ar dhoromge ńam maṛaṅpe, enḍekhan noako hõpe ńama.

Santali Common Language New Testament

³¹ Ona khon boroṅ Isorakʼ rajko reakʼ dạndikʼpe, enḍekhan noako hõpe ńama.

Luk 12:31 Referans Kwoze

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Sereńko 34:9

E Probhu Isorren hoṛko, ape do uni botoraepe, ente okoe uniko bhoktiae kan onko do cetʼ okulạnge baṅ hoyokʼtakoa.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Sereńko 37:25

Iń do juạniń tahẽkana, ar ńitokʼ doń haṛamena, menkhan Isor botoraeko doko bạgi ocoakana se onkoren bõsko doko kokoe kana nonka do bạń ńel akatʼkoa.

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Sereńko 37:19

Dukokʼ dinre onko do lajaore bako paṛaokʼa; ar akal dinkore onko do jomakʼko ńama.

Luk 10:42

menkhan mitʼṭecʼge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Luk 12:30

Ente dhạrtiren eṭakʼ jạtrenkoge onako reaṅ doko ńam baṛakana; ona chaḍa aperen Baba doe baḍaegea, noako sanamakʼ reakʼ jạruṛ menakʼtapea mente.