Luk 12:21 - সান্তালী বাইবেল

²¹ Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniyakʼ dosa hõ onkage hoyokʼtaea.”

Santali Common Language New Testament

²¹ Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniakʼ dosa hõ onkage hoyokʼtaea.”

Luk 12:21 Referans Kwoze

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Habakkuk 2:9

“Jạt jạtrenkoko mena, ‘Hae, uni do, okoe do behok reakʼ labte acʼakʼ tahen oṛakʼe benaoetʼkan jemon khạtirjomae tahẽdaṛeakʼte muhin reakʼ ti khon rukhiyại ńam.’

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Luk 16:11

Noa piṛhi reakʼ dhonko cetanre bape pạtiạu ocokʼkan khan enḍekhan sạri dhon do bhorsakate okoeye jimạwapea?

Luk 6:24

“Menkhan hae ape kisạ̃ṛko do! Ape do apeakʼ jiwi raṛecʼpe ńam horayeda.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Kạhtukko 13:7

Apnarte kisạ̃ṛ udugokʼicʼ do acʼakʼ cetʼge bạnukʼtaea; menkhan reṅgecʼe udugokʼ hoṛ do ḍher dhon menakʼtaea.

1Timothi 6:9

Menkhan okoe kisạ̃ṛokʼ hoyokʼ sanayetʼko onko do aema lekan biḍạu ar jhạlikoreko paṛaokʼa, ar nonkan bebuj ar laloc mon janamakoa, one onate maraokʼ ar nosṭokʼre hoṛkoe unumetʼko.