Luk 11:42 - সান্তালী বাইবেল

⁴² “Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneyakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Santali Common Language New Testament

⁴² “Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Luk 11:42 Referans Kwoze

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Luk 18:12

Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’

1 Johan 4:20

Jãhãege Isore dulạṛ edekana menteye menetʼkan, menkhan acʼren boehae kurudae, enḍekhan uni doe eṛeyicʼ kana; ente mẽtʼte ńelakade boeha okoe bae dulạṛede enḍekhan uni do cekate baṅ ńelakade Isor doe dulạṛ daṛekea?

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼge.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.

Johan 5:42

menkhan iń do apeń baḍae akatʼpea. Ińiń baḍaea apeakʼ ontorre Isorakʼ dulạṛ do bạnukʼtapea.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Sosolhayic̕ 7:18

Niạ banar sopolhage sapʼ dohoyme, okaṭakʼ hõ alom aṛakʼ giḍikakʼa; okoe hoṛ Isore botorae uni do jãhãnakʼge ạḍi do bae bạ̃ṛtiya.

Nehemiạ 10:37

Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.